油麻地果栏落货乱象几10年来一直未有改善，网上流传影片，油麻地果栏一带、窝打老道入夜后，搬运工人将大批生果叠高，堆放在马路两旁，霸占行车线，只留中间1条狭窄的通道让车辆驶过，其间多名搬运工人在马路上慢慢行走，又使用唧车横过运货，拍片男子乘搭的巴士被迫慢驶，司机无奈抱怨“入夜冇得行，出边又冇得行”、“差唔多要我去求佢”。

网民留言揶揄，“果栏啲人好好，明明可以霸晒成条路，都让1条路畀你行”，有网民就狠批，“佢哋愈霸愈阔，影响其他市民使用道路！危害驾驶者！危害市民安全！完全不理！”，也有网民表示，“其实呢条路晚晚都系咁，落货啲大哥都好识做，见到巴士会拉开啲货，咁多年都无乜事发生”。

有男子于facebook发文表示，“最高难之处……睇片。除要有耐性，还要沉得住气，晚上7时开始，途经油麻地果栏区，如果得罪了人， 好易人车皆入火葬场”。

油麻地窝打老道入夜变果栏落货场

影片长37秒，男子于巴士车厢内、司机位旁拍摄前方，见到巴士于油麻地果栏一带、窝打老道行驶，搬运工人将大批生果叠高，堆放在马路两旁，霸占行车线，只留中间1条通道让车辆驶过。

巴士司机极无奈：差唔多要我去求佢

其间马路上有多人行走，巴士司机为免撞到人须慢驶，司机说“佢真系唔理你㗎㖞”，拍片男回应“佢唔会让畀你㗎”，见到有搬运工人拉着装了多箱生果的唧车横过。司机继续抱怨，“入夜冇得行，出边又冇得行”，其后又有唧车在前方，巴士需稍作停下，司机无奈道“差唔多要我去求佢”。

油麻地街坊：6点半已经开始霸路

网民批评，“乱晒龙，落货真系大晒？”、“阻到巴士又真系离谱啲㖞”、“果栏其实同以前嘅九龙城寨差唔多”，又揶揄“正常司机揾位落货仲要怕抄牌，而家佢哋放晒马路落货又无人赶，可以慢慢做，真心爽”、“大把工厂大厦，不过无嘢爽得过喺市中心霸街唔畀租！”。

有油麻地街坊表示，“咁唔叫乱，𠮶头有自己规矩，几10年都系咁做”、“住油麻地，几10年都系咁，之前吹果栏搬去青衣但无咗下文”、“疫情前呢就11点先搬出嚟嘅，而家佢哋偷鸡，愈嚟愈早，9点就搬晒出嚟”、“6点半已经开始霸路，人哋放工时间都未过”。

网民：挥一挥手好多师傅都即刻拉开啲嘢

有网民指出，“其实挥一挥手，好多师傅都即刻拉开少少啲嘢嘅，你如果串嘴开窗同佢讲条路你㗎，你真系唔使走啦”、“唔响咹就冇事，行唔到就停车，等到佢哋移开行到就得”。

有网民建议改善乱象的方法，“不如整个牌喺度，话某段时间只开放1条行车线，咁咪唔使搞到咁多仇恨”、“不如叫九巴改道吧，咁样点行？”，又认为可参照泰国办铁道市集，“我见有旅客参观这奇景，好似泰国火车市集”。

（facebook）