生仔要考牌？有女生日前在元朗直击阿叔在马路上骑单车，车后置物篮居然站了1名男童，片中显示行驶期间对方只以单手紧拉阿叔后方衣领，而附近车辆为免发生意外，只好在后方保持距离，片主不满阿叔危险举动遂贴片公审。

许多网民指责大叔罔顾安全，“一个急煞，个细路应该就会飞落地”、“如果唔好彩跌亲个后尾枕真系拜拜”；但有留言觉得不应杞人忧天，“我觉得会系小朋友一世嘅回忆，‘如孩儿能伏于爸爸的肩膊，谁要下车’”、“用负面去睇人哋嘅欢乐，预判人哋嘅后果，再突登post出嚟合理化自己嘅幻想”。

阿叔马路踩单车　男童站立车后置物篮

“生仔要考牌系列”，目击者在threads帐号“yannestsoiii”上传短短3秒影片，表示“除咗黐X线都唔知可以讲乜，边估到第一次post嘢出公海系呢啲？”从影片可见，事发地点位于元朗建翔街，1名阿叔在马路上骑单车，同行疑似穿著校服的男童、仅是用右手紧紧拉着阿叔后方衣领，在单车行驶期间竟站立在车后置物篮，画面实在令人触目惊心。

目击者：身后车辆即“收油”保持距离

楼主之后再补充，指阿叔骑单车在马路行驶时，原本在他后方的车辆见状“即刻收油”，并和对方保持近2个车位的距离，因此嘲讽“喺元朗揸车真系好X刺激”。

网民斥危险：唔好彩跌亲后尾枕真系拜拜

片段被网民转载至其他社交平台，引来两极讨论。有人就斥责大叔罔顾男童安全，“自己玩好啦，喺条马路咁X样”、“一个急煞，个细路应该就会飞落地”、“如果唔好彩跌亲个后尾枕真系拜拜”、“大细都咁有胆色嘅！两个都咁自然似惯咗，睇到都担心”、“以前细个𠮶阵时真系有试过，不果系（喺）前面”、“有咩事害咗小朋友一世”，另有留言则揶揄“长洲太平清醮”、“真飘色”、“好似国内𠮶啲马戏团表演”、“当你没有危险时，最危险的是你爸”。

忧引意外是杞人忧天？　网民：用负面去睇人哋欢乐

但有网民觉得楼主和部分人士过于杞人忧天，“宜家嚟睇好危险，早几十年唔会有人（当）系一回事，系咪现代人太安逸？”、“用负面去睇人哋嘅欢乐，预判人哋嘅后果，再突登post出嚟合理化自己嘅幻想”、“我觉得会系小朋友一世嘅回忆，‘如孩儿能伏于爸爸的肩膊，谁要下车’”、“有咩问题？（就算）跌亲（都系）佢个仔，又唔系你𠮶个”，又欣赏男童“年纪轻轻平衡力都几好”。

（threads＠yannestsoiii）