希望“团团”能回到女生的身边！有女生近日于网上发文重酬3万港元寻1只水獭公仔，指出于3月26日下午6时左右在葵芳葵涌广场附近乘搭302线小巴期间遗失，推测不慎掉在车上，再登车寻找时却遭司机赶下车。她直言这只公仔十分重要，“已经陪伴咗我10年，我已经当佢系我屋企人”，从小学陪伴至大学，喊话道“团团，你可唔可以喺我大学毕业前再次返嚟我嘅身边？”，期盼有好心人寻到后联络她。

不少网民表示理解女生的感受，但也劝说放下执着，“隔咗咁耐，相信都揾唔返，希望楼主能学会放下，当系个公仔同你挡咗一劫又好，当系公仔觉得你要独立唔需要佢又好，又或者佢大个仔要成家立室，点都好，要学识放下，亦当系你嘅1次成长”、“买过只算啦，好过有人淘只再白撞”、“你留返笔钱畀自己好好生活吧”。

“悬赏加码至$30,000寻团团！”该女生于facebook群组“食在荃湾”发文寻公仔，指出于3月26日下午6时左右在葵广附近乘搭来往葵芳（葵涌广场）及青龙头（豪景花园）的302线小巴期间遗失，推测不慎掉在车上，而她于丽城花园OK便利店旁下车。

重酬$3万寻陪伴10年水獭公仔

女生说，曾上车寻找但未能找到，估计已被人拾获，如网民有任何消息或见到相关公仔，盼能尽快透过电话或WhatsApp联络她。女生将酬劳由1万元加码至3万元，寻获者及推帖文中间人各可获得1.5万元。

女生登小巴寻找　被司机呼喝下车

女生透露，遗失当晚已获小巴夜更站头站长帮忙寻找，但未能找到，于是她提出亲自上小巴获站长同意，重登同1辆小巴后她有付车费，“当个司机发现我系上嚟揾嘢，就即刻发晒癫咁唔畀我揾”。

影片听到司机大声呼喝女生立即下车，拒绝再给予时间寻找，女生说“最后佢仲好恶咁喺深井附近赶我落车”，令她怀疑公仔被司机捡起后已被掉弃，而之后亦有1名男子联络她声称寻获公仔，但一直未能提供公仔照片。

女生画图制动画片表达对公仔思念

女生又特别画图及制作了1段动画影片表达对公仔的思念，“里面系讲1个怕羞、怕事、孤独嘅女仔（即系我）在遇到团团之后，佢整个世界都变得唔同晒，有团团喺身边陪伴，佢时时刻刻都充满快乐”，喊话道“团团，同你一齐我真系好开心！团团，你快啲返屋企，我会一直等你”。

网民担心女生被骗　劝放下执着

不少网民担心女生会被骗，提醒勿随便乱信声称寻获公仔的人，“叫佢影张相出嚟先讲嘢啦，你都唔好咁蠢畀钱佢呀”、“希望揾到，不过如果有人话揾到，都希望你会小心检查，呢只公仔对你嚟讲一定系好重要，甚至系有好特别嘅回忆或者重要嘅人送畀你，所以你先喺知道唔见咗𠮶阵咁紧张，不过都唔希望你因为咁而俾人呃，所以请加油同保持冷静”。

网民亦纷纷劝说，“放下执着，人先会继续行前行”、“放手面对或买过只好过啦”、“隔咗咁耐，有人拎到畀你都唔会系你原本𠮶个，所以真系接受啦”、“小妹妹，我一直up post系好深深明白失去嘅感受，但现实系时间越耐揾到机会越微，所以你抱有希望嘅同时都要整理自己思绪，唔好谂埋一边，加油！”。

女生拒绝买1只新公仔：只系想揾返团团

有网民问“3万元（酬劳）点解唔去买1只呢？”，有理解女生感受的网民分享自身经历“先唔讲买唔买得返，有啲嘢的确系无价嘅，我都有张床被仔跟咗我30几年，陪我无数个晚上同搬过好多地方，直到而家仲喺度，好遗憾几年前俾工人姐姐拎咗去用柔顺剂去洗，张被仔个物料松软晒变咗质，我唔开心咗好耐，呢种精神支柱式嘅固执/坚持，的确未必个个人会谅解”。

有网民表示，“不如你去淘宝买过只啦，都系$12啫，起码唔使出3万蚊，仲可能有机会俾人呃”，女生坚持道“好多谢你！但系我只系想揾返同我相处咗差唔多10年𠮶个团团”。

（facebook群组“食在荃湾”）