又1间餐厅想挑战“澳牛”速度？开业逾40年的湾仔港式怀旧扒房“新堡餐厅”近日爆出“赶客”争议，有食客于网上发文表示，他于中午时段光顾，因吃得快15分钟就吃完，打算坐一下休息，讵料4分钟后就有职员要求“埋单”，他不满被赶走，怒指“玩到20分钟逼个客走，大家自己睇路”。

事件引来网民热议，有人批评“催人埋单真系会令人好反感”、“食完饭想坐一阵都唔得呀？堂食就系想坐下休息下，点解要惩罚食得快嘅人？”，不过也有人说“可能午市太忙，阿姐见你已经食晒，心急嗌你交台，冇为意你12:30先入座？”。

“新堡餐厅”老板娘随后于帖文现身向该食客致歉，解释因午市时间较繁忙，多人排队，“我只系要你帮手埋下单先，您可以坐多阵，绝对冇逼您走嘅意思”，并强调“我哋堂食嘅时限系绝对唔止20分钟，大家都可以放心”。

位于湾仔轩尼诗道的“新堡餐厅”早前因老板娘于Threads宣传餐厅，1句“希望大家有机会可以惠顾本餐厅”而爆红，网民欣赏老板娘够直接，赞“冇揾打手，冇揾其他人嚟出po，反而吸引好多”，而餐厅的食物品质和性价比吸引不少顾客光顾，尝试怀旧港式西餐，惟最近爆出“赶客”争议。

湾仔“新堡餐厅”爆赶客争议　食客：堂食20分钟

有食客于Threads发文揶揄“新堡餐厅改咗规矩，堂食时间得20分钟”，他指出，当时中午12时半入内，点了鸡排意粉，因吃得快，12时45分就吃完，打算坐一下休息，怎料到12时49分时“阿姐就话我一定要卖（埋）单”。他不满道，“我明做生意紧系要快，但系玩到20分钟逼个客走，大家自己睇路”。

网民批：坐多阵都唔得好冇瘾

事件引来网民批评餐厅，“无人就叫人去帮衬，人多食完就队人走”、“食饭太急好容易胃气胀同消化不良，你午巿多人等，但唔应该催个客埋单，一系你改全部先付后食啦，大家都唔使烦”。

有曾光顾该餐厅的网民表示，“搞乜鬼堂食变成咁？之前好有人情味㗎”、“我冇记错呢间嘢要收加一，食完系会叫你埋单，饮紧嘢就情勒你‘帮帮手，出边有人排队’，自此就冇再去过”、“湾仔返工食过1次之后就冇再食，食物出品正常，但真系太多人排队，lunch时间太珍贵真系唔值得排咁耐，入去如果想同同事坐多阵、倾多2句都唔得，真系好冇瘾，本身湾仔食饭已经贵，得20分钟真系宁愿买M记”。

撑餐厅网民：未食完唔会20分钟内赶你走

不过也有网民认为，“睇落唔系堂食时间得20分钟，系见你食完就叫你走，等佢可以入下1台客啫，你未食完嘅话佢明显唔会喺20分钟内赶你走啦”、“得罪讲句，你12:30食，当你食完1点左右，理应走啦，唔系餐厅要做多个生意，系其实湾仔返工啲人都要开饭，要休息就落公园啦，喺湾仔做过就知1点湾仔几多人，睇留言都知香港几多自私的人”。

（Threads@plutojor）