“Jayden妈咪话拖住呀，点解你咁naughty走咗去㗎”，类似说话相信大家在街上曾有听闻！有狗主分享日前遛狗时，发现有家长使用防走失胸背带，并牵着小童坐在地下，之后听到对方乳名为“妹猪”，直言“整个画面令到个小朋友更似一只狗”。楼主觉得观感不好，遂上前和对方家长反映，却被回复“几好呀，个个都咁高咁大（指小朋友同啲狗），好相处易沟通啲”，令她顿感傻眼，“虽然话系防走失带，但个感觉真系好差”，故询问网民如何看待家长使用儿童牵引绳。

网民一面倒批评楼主不明为人父母的辛酸，“你有无听过甩绳马骝？”、“你眼中系狗绳，我眼中系安全绳”、“小朋友有时癫起上嚟叫都叫唔停，冲出马路呢啲事不时发生”，又斥责她多事，“点解香港人咁钟意指指点点其他人点教仔”、“除非虐待儿童，否则任何人都无办法干预人哋凑仔”。

妈妈用防走失带牵女童

该狗主投稿到社交平台专页“生仔要考牌系列”，指到荃湾南丰纱厂放狗时，发现有名目测3至4岁的小童身穿防走失胸背带，乖巧地坐在地下，母亲则拖着牵引绳，碰巧对方当时身旁坐了其他有使用胸背带的狗只，形容“整个画面令到个小朋友更似一只狗”。

楼主表示，当时为保护儿童没有在场拍照，但在网上搜寻相关照片，指市面一般有2种防走失带，其中一款是手腕牵引款，“感觉劲似监犯”；另一款则是该小童使用的胸背牵引款，但又指“劲似拖住只狗”。

狗主闻女童乳名感傻眼　指似放狗观感差

楼主当下觉得观感不好，上前和对方家长示意，却被回复“几好呀，个个都咁高咁大（指小朋友同啲狗），好相处易沟通啲”，楼主闻言傻眼，心想“佢真系当自己个小朋友系只狗？”。楼主之后更听到对方叫女儿的乳名，“起身啦妹猪，我哋走啦”，直言“（听到）眼都突埋”，事关她认识部份狗主会将爱犬改名为妹猪，理解乳名有机会“撞名”，但感觉“真系好似叫紧只狗”，又指虽然是防走失带，但“感觉真系好差”，遂好奇询问有几多人认同家长使用儿童牵引绳，“唔知大家点睇？”。

网民估楼主未为人父母　揭辛酸经历：我眼中系安全绳

帖文引来网民围剿，不少人估计楼主未为人父母，不懂个中辛酸，“有头发边个想做癞痢”、“你有无听过甩绳马骝？”、“你眼中系狗绳，我眼中系安全绳”、“我试过同阿囡等过马路，忽然佢想大力甩开我只手冲过对面马路，我反应得切大力捉返实向后拉”、“小朋友有时癫起上嚟叫都叫唔停，冲出马路呢啲事不时发生”、“作为家长，小朋友安全系放第一位”、“意外一次都嫌多”、“做咗妈妈有几多个可以顾到好唔好睇，有几多妈妈喺街未试过要大叫唔好乱跑、唔好乱跳，又有几多个小朋友唔试阿妈底线会即刻听”、“小朋友未必个个同每时每刻都肯拖手，如果一拖二更加难100%专心睇实”，又指若儿童有特殊需要，使用防走失带亦属正常，“如有ADHD（注意力不足过动症）而不能控制自己，或者肌肉发展迟缓而容易跌倒，或许有此需要”。

楼主挨轰妄下判断　网民叹香港家长动辄被公审压力大

另有人斥责楼主“唔知头唔知路”就故乱批评，“而家咁多坏人，走失咗边个负责？”、“人哋用得紧有原因啦，呢刻你见到佢乖就以为佢时刻都咁乖？”、“如果嗌come唔识（听）或唔肯返来嘅，无论人仔定狗仔都要拖实啦”、“唔影响人有咩所谓”、“点解香港人咁钟意指指点点其他人点教仔”、“个仔又唔系你生嘅，你理得人哋点样教啫”、“除非虐待儿童，否则任何人都无办法干预人哋凑仔”，又感叹香港家长压力颇大，“唔出事就闹你用，出咗事又闹你唔用”、“喺香港为人父母真系惨，如果个小朋友跑嚟跑去影响到人会被人拍片摆上网公审，用安全绳拖住个小朋友又话佢当狗咁养”。

（facebook“生仔要考牌系列”）