“希望婆婆的家人知悉事件！”有男子于网上发文指出，于屯门市广场外目击1名外佣粗暴对待1名坐轮椅婆婆，外佣将婆婆推到墙边，不断用手拍打婆婆，婆婆不断大叫，外佣发现被拍后立即推婆婆离开，男子追上前质问，并警告“唔好以为你嘅所作所为冇人知”，外佣竟嚣张地做出赞好手势，令他气愤难平。

网民大赞男子见义勇为，“欣赏楼主喺拍片之余，仲上前出声，做得非常好！”、“好多谢你会出声，婆婆嘅无助神情已经系答案”。

网民又担心婆婆道，“见到楼主问婆婆嘢嘅时候婆婆嘅眼神好委屈，有口难言咁，虽然婆婆唔系我亲人但见到呢个画面都好心噏，希望呢条片推到畀婆婆家人，而且家人会喺屋企装返个cam保障婆婆”。

“冇人想自己阿爸阿妈老咗俾人咁样粗暴对待。”该男子于Threads发文指出，事发于5月8日下午5时、屯门市广场外，他目击有外佣将坐轮椅的婆婆推到墙边，“不断用手拍打个婆婆，个婆婆不断系咁大叫”，引起他的注意，他立即拿起手机拍片做证据。

外佣狂拍打轮椅婆婆致喊叫不断

男子其后上前欲拍摄外佣样貌，外佣发现被拍后立即推婆婆离开，男子追上前质问，并警告“唔好以为你嘅所作所为冇人知”，讵料“个工人仲好嚣张咁畀个手指公我，我真系着咗”。

男子质问外佣：见到你好粗暴咁对婆婆

从男子上传的第一段影片见到，穿黑色上衣的外佣与轮椅婆婆在楼梯旁，听到一阵嘈吵声后，外佣似想拿走婆婆手上的手机，大力推开婆婆贴了大片纱布的手，婆婆未有发出任何声音或反抗行为，而外佣接着玩手机。第二段影片听到，婆婆未有说话，只是发出喊叫声。

第三段影片，外佣推婆婆离开，男子跟上前拍摄，即场质问外佣“我见到你好粗暴咁对呢个婆婆㖞”，又问婆婆“佢（外佣）系咪好粗暴咁对你呀？”，婆婆未有回应，看向镜头神情无助。男子续向外佣指出，“你知唔知呢条片如果上咗网嘅话，你返家乡㗎啦可以，你唔好咁对个婆婆呀，知唔知呀”，影片就此完结。

男子：想影畀婆婆屋企人知佢受紧虐待

男子指出，“呢度每个人可能而家系年轻人，但将来大家都系会变老，你哋嘅屋企人都会变老，你爱嘅人都会变老，你唔会想你自己或者你觉得重要嘅人将来都受到咁嘅对待，婆婆亦都冇反抗能力，甚至不能说话只可发出声音”。

男子直言，“我唔想行过睇到觉得惨就算，我想影低佢畀婆婆嘅屋企人知佢妈妈系受紧虐待”，盼望婆婆的家人看到帖文及影片，进一步跟进。

网民：雇主一定要即刻报警，唔好哑忍

网民感激男子拍片及质问外佣，“多谢楼主拍低证据，希望大家帮手推到畀婆婆屋企人睇到。老人家辛辛苦苦一世，唔应该老咗要受咁嘅粗暴对待。睇片见到婆婆个样真系好惊、好无助，好彩楼主无扮睇唔到”、“好彩仲有人关心同自己无关的弱小老幼！在外面都咁，在家俾佢打死都似”。

有网民表示，“睇到好嬲，请姐姐照顾屋企人，系基于信任。如果发现有任何虐待迹象，雇主一定要即刻报警，唔好哑忍。婆婆冇能力保护自己，我哋要帮佢发声”。

网民斥外佣：佢唔系服侍老人家，而系要虐待

有网民称认得同1名外佣，“我记得佢以前喺乐富做工人时，已经对坐轮椅伯伯，都非常粗暴，轮椅伯伯行动不便，佢就用只脚踢伯伯双脚。希望全港雇主唔好再请依个工人，佢唔系服侍老人家，而系要虐待老人家”。

有网民认为，“有机会系婆婆有脑退化，闹紧情绪，姐姐又唔懂得处理引起争执，真系要识处理唔容易，因为我都系照顾者，试过大B闹情绪，畀水佢饮，竟然发怒成杯水淋到我湿晒，所以要睇清楚”，有网民反驳指“都唔系可以施虐嘅原因，你搞唔掂可以揾人帮手，同人讲话自己唔得、做唔到，再谂办法，好过咁样发泄喺个弱者到”。

（Threads@w4321w1995219）