无论是关爱座或任何设施，都应先让予有需要人士。但日前有港妈在社交平台公审，指在港铁推着婴儿车排队等候乘搭升降机时，被大批“有手有脚”、“行路正常”人士在车厢下车后，从后涌上前冲入升降机内，导致她无法入内，以上言论引来争议，她目前已删除帖文。

但事件惹来网民讨论，有人觉得即使携同小孩亦不应抱“老奉”心态，“有时肉眼系分唔到边啲人有需要嘅，可能有啲人唔舒服或者脚痛呢”、“忍一忍等下部（䢂），咁都出post公审人，你做人都好大怨气”；另有网民觉得礼让予有需要人士是“文明表现”，“港铁个设施明明设计得几好，但好多人唔跟指示”、“重点唔系先后次序，亦唔系优先定专用，而系䢂入面嘅人仲有（扶手）电梯呢个选择，而楼主无。畀我见到呢个情况，就算我已经入咗䢂都会行返出嚟”。

港铁月台推双人婴儿车　排队等候升降机

该共育有3名小孩的港妈在threads帐号贴相公审，不满称“成架lift（䢂）里面都系有手有脚、正常行路嘅人，（一）出车厢过嚟，仲要系跑过嚟㗎”。相中可见，楼主当时推着双人婴儿车、在港铁月台正排队等候升降机，但批评升降机内的众人即使见她“有需要用架lift（䢂）”，在离开列车车厢后仍从后涌入升降机，导致她未能成功入内。

港妈公审乘客未礼让　“喺后面跑去前面”冲入升降机

楼主表示，2名小孩“平时出去都好乖，唔用BB车自己行”，但当日碰巧其中一个小朋友生病，急需赶往看医生，且正值他们午睡时间，她没有办法单手抱着生病的儿子，再拖着另一困倦的儿子，只好安放两人在婴儿车内睡觉，但质疑相中众人见状，未有礼让她进入升降机，反而“喺后面跑去前面”。

帖文惹来网民激辩，有意见认为楼主不应抱“奉旨”心态要人礼让，“我都有小朋友，我认为无人奉旨要就你。小朋友系自己嘅，人哋就我系人哋好心”、“你2个仔都有手有脚仲唔系婴儿，唔教佢哋搭扶手电梯？”、“如果病到行唔到，一系白车一系的士啦，搞到自己咁辛苦”、“忍一忍等下部（䢂），咁都出post公审人，你做人都好大怨气”、“有时肉眼系分唔到边啲人有需要嘅，可能有啲人唔舒服或者脚痛呢，你咪最多等下一架䢂，实搭到”、“你系优先，但已入的人系唔需要出返来，仲有你架车咁大，当无足够空位畀你入到，其他人继续入好正常。如果你话下架来到，你排第一，都俾人打尖就话啫”。

态度奉旨VS文明礼让　惹网民激辩

但有留言觉得礼让予有需要人士是“文明社会”表现，“重点唔系先后次序，亦唔系优先定专用，而系䢂入面嘅人仲有电梯呢个选择，而楼主无。畀我见到呢个情况，就算我已经入咗䢂都会行返出嚟”、“港铁个设施明明设计得几好，但好多人唔跟指示，见到有人排优先𠮶行都唔会理”、“升降机就系畀楼主呢啲人用，可以用电梯的应该用电梯才是”、“以前细个嘅环境，升降机、座位会先让有需要嘅人用咗先，有啲自觉嘅人会主动提出排下队ok，甚至出现‘你先你先’嘅画面，正正系咁更显得出大家有教养有人情味，而唔系扮晒好有道理咁话‘公平使用’”。

（threads＠doublejdiary）