外卖叫马蹄蒸肉饼中伏！有男食客在网上饮食群组发文，指在澳门经外卖平台点叫某餐厅要价42元的马蹄蒸肉饼饭，不过打开外卖盒后发现，马蹄竟然是直接被铺在肉饼上方，而非将绞碎猪肉加入马蹄，搅拌再拿去蒸熟，故无奈表示“肉饼有肉饼味，马蹄有马蹄味，不过系分开两种味”。有从事饮食业的网民批评餐厅离谱，“我做咁多年厨房都未见过马蹄肉饼可以马蹄另上”，有人揶揄“唔知以为蒜头蒸肉饼”、“切成咁，应该唔系预制菜”。

外卖点叫42元马蹄蒸肉饼饭

有食客在facebook群组“澳门难食中伏团”发帖，指日前在澳门外卖点叫某餐厅要价42元的马蹄蒸肉饼饭，不过对于其卖相却大感错愕，笑称“有马蹄又有肉饼，应该就系马蹄（蒸）肉饼，不过睇落总系觉得有啲唔妥”，同时批评食店如此制作餐点是“无诚意”。

马蹄竟铺在肉饼上方　食客批：无诚意

从楼主上传照片所见，他经由澳门外卖平台下单，除了点叫马蹄蒸肉饼饭，另外还有一份约48元的特价蒸饭、以及约19元的滑嘟嘟蒸水蛋，全单扣减折扣优惠后，3份餐点实付约113元。

他打开外卖盒，发现里头附有些少娃娃菜，但主角马蹄蒸肉饼却让人傻眼，事关马蹄竟然是铺在肉饼上方，而非常见的做法先将绞碎猪肉加入马蹄，搅拌再拿去蒸熟，且马蹄切粒大小不一，骤眼看更像是洋葱粒，着实难以令人联想至马蹄蒸肉饼。

马蹄切粒大小不一　网民：唔知以为蒜头蒸肉饼

帖文引来网民哗然，“商家系咪对马蹄肉饼饭有啲误会？”、“我做咁多年厨房都未见过马蹄肉饼可以马蹄另上”、“唔知以为蒜头蒸肉饼”，又批评食店做事马虎，“马蹄应该同猪肉一齐剁，唔系切咗啲马蹄一嚿嚿放上肉饼上蒸”、“应该系剁肉饼𠮶阵唔记得落马蹄，事后求X其放啲马蹄喺面”，甚或贪图方便，“预先整好雪起肉饼，有单嘅时候拎出嚟，睇单写系乜乜蒸肉饼就将乜乜放喺肉饼上面蒸。食材齐全无少到畀你，就算做法唔正宗，都投诉唔到佢”。

网民调侃符商品说明：真系有马蹄有肉饼

另有人则揶揄，“佢真系无骗你㖞，真系有马蹄有肉饼㖞”、“完全无问题，马蹄蒸肉饼饭，每个字砌埋一齐啱啱好”、“论标点符号的重要性，马蹄、肉饼”、“咁多马蹄仲想点？摆落口自己搞匀佢”、“解决了如果我唔食马蹄又想食肉饼，或者要求多马蹄的问题”、“切成咁，应该唔系预制菜”。

曾光顾客人批餐厅食物质素差　直斥“赶客”

有曾光顾涉事食店的客人，亦形容餐厅食物质素“赶客”，“呢间我㖊晚先食完，忍唔住畀咗个差评。马蹄同肉饼分开已经好搞笑，蒸鸡𠮶个鸡劲多碎骨，每一啖都有碎骨叫人点食，重点啲饭劲硬，我成盒掉咗！”、“呢间啲嘢（食）好伏，炖汤都好重味精”。

（facebook“澳门难食中伏团”）