在安全车速下，汽车行驶快慢全属个人观感。近日网上流传影片，城巴15号线往山顶的车上，1名穿黑色长裙的女子不满车速太快，先后用英文、广东话及普通话3语表达不满及报警，车长无奈中途停车，安排全部乘客下车转乘另1辆巴士。

网民纷纷批评女子行为扰民，“你觉得车长开得快，咁快咗几多？老实讲‘觉得’呢样嘢点做证据，口同鼻拗，最后都系浪费时间、浪费社会资源”、“自己觉得太快，就打电话报警，有冇谂过其他乘客感受，落晒车啲乘客都冇乜投诉，搭巴士可以投诉到成车人落车真系第一次见”，有网民直指“冇超速就唔犯法，完”。

网民“马谊郎”于facebook分享了1段长1分45秒影片，显示城巴15号线往山顶的下层车厢内，1名穿黑色长裙的女子用英文问其他乘客，“Did you feel that he drives too fast? just right now（你觉得车长现在驾驶速度快吗？）”，她称曾向车长反映开慢点，但不获理会。

嫌城巴车速快　黑裙女3语大闹兼报警

其后，车长停车走出车长位与黑裙女理论，“我闩门你又唔落车，咁你阻住其他乘客”，黑裙女用广东话说“我问你攞名呀”，又改用普通话问其他乘客是否认同她。

全车乘客被迫落车　黑裙女：唔可以畀啲人走

车长随后熄匙及关掉车厢灯光，黑裙女表示已报警，乘客陆续下车并在路边等待另1辆巴士前来。紧接数名警员到场，黑裙女要求警员“唔好畀佢（车长）走，因为佢赶晒啲人落车”，听到另1辆巴士将到达，黑裙女急说“唔可以畀啲人（其他乘客）走，走咗又冇证据㗎啦，佢根本就想要啲人走”。

网民批女子：系要搞到成车人先安乐

有网民质疑女子指车速快的可信性，“上紧山嘅双层巴士可以有几快？”、“个方向系上山顶，巴士上斜快？你话落斜我就信啫”，不过也有网民认为“山顶弯多路窄，就算慢都会觉得快”、“香港啲巴士佬好多都喺南区、山顶揸到好快，如果系游客被吓亲系正常！”。

不少网民批评女子行为自私，“你觉得佢揸得快又好惊你咪下站落啰，系要搞到成车人先安乐”、“有咩权利唔畀人走？你1个人已影响其他人”、“有阵时真系好难服侍啲西客，快又话快，慢又话慢，一阵间又话冷气好冻，一阵间又话冇冷气，乜都佢哋讲晒”、“坐几蚊鸡巴士要求咁多”，又建议“要坐得舒服，搭的士啦，再唔系自己买部车请私人车长，使鬼搭巴士”。

（facebook“马谊郎”）