【店舖盗窃／偷窃】店舖盗窃是严重罪行！化妆护肤品店BEAUVELA于社交平台发布闭路电视（CCTV）影片及截图，表示有女子于荃湾如心广场二期分店内偷窃了2枝香水，而店主使出“奇招”寻人，指如果女子回头付款，可提供商品88折优惠，呼吁“如果有朋友认识呢位女士，麻烦帮我哋提提佢呀”。

事件引来网民热议，大部份人都赞店主做法“善良”、“好人”、“香港生意难做，看到店主如此温暖的贴文有点touched，感觉店家是一位挺善良的人，如有机会大家都去帮衬下”。亦有网民建议要报警处理，“佢摆明系偷啦！快啲报警拉佢啦”、“你应该设个限期畀佢（公开），佢限期之内唔交，就去报案，告佢盗窃罪”。

“呢位女士，今日（5月20日）你喺我地荃湾Nina mall 2期舖头拎咗2枝香水，去到收银未畀钱就走咗，你系咪唔记得咗畀钱呢？”化妆护肤品店BEAUVELA于5月20日在Threads发布闭路电视影片及相片寻人，指有1名女子在荃湾如心广场二期分店取走2枝香水但没有付款。

荃湾女子偷BEAUVELA香水　手法纯熟

闭路电视影片长5秒，见到穿黑色外套的女子走到香水货架，看一看四周没人注意，就把货架上的香水塞进外套内围，包好货品后就转身若无其事离开，整套偷窃动作行云流水相当顺畅。另外，由于女子没有戴口罩或遮掩物，面容清晰可见。

店主奇招寻人：回头付款照享88折优惠

为了让女子回店付款，店主使出“奇招”，指如果女子回头付款，可提供商品88折优惠，“我哋520活动88折虽然只做今日（5月20日），但你返嚟畀钱，我哋都会照畀返88折你㗎”，又呼吁网民帮忙寻人，“如果有朋友认识呢位女士，麻烦帮我哋提提佢呀”。

网民赞店主善良　倡报警处理

网民看后纷纷批评女子离谱，“哇，（女子）好大胆，摆明偷嘢喔⋯⋯”、“而家真系好猖狂，呢个人口罩都唔戴就犯案”。

亦有大批网民赞店主“善良”、“好人”，惟建议报警处理，“哗，（店主）你咁讲真系厚度呀！佢摆明系偷啦！快啲报警拉佢啦”、“店主好善良，帮埋佢谂，佢可能唔记得畀钱，仲好声好气叫佢返嚟畀钱，仲要打折畀佢。我觉得你应该设个限期畀佢（公开），佢限期之内唔交，就去报案，告佢盗窃罪”、“店主真心好人，做生意啫，都系求财，希望相中人or朋友可以去畀返钱人啦”、“香港生意难做，看到店主如此温暖的帖文有点touched，感觉店家是一位挺善良的人，如有机会大家都去帮衬下”。

盗窃罪最高可处监10年

根据香港法例第210章《盗窃罪条例》，如任何人不诚实地挪用属于另一人的财产，意图永久地剥夺该另一人的财产，即属犯盗窃罪，循公诉程序定罪后，最高可处监禁10年。

（Threads@beauvela.hk）