本港又出现新型骗局？这次是“搭台党”。有沙田街坊在社区群组发文，指母亲独自在好运中心1间陕西菜餐厅搭台午餐时，同桌另外2名男食客疑设局“换单”，先将帐单放在母亲身旁，又在母亲埋单时讹称她“攞错单”，幸好母亲未有中计。他担心可能会有长者中招，“畀佢哋昆咗埋张2个人嘅单”。网民对此表现担忧，“有啲老人家唔系咁精灵”。

好运餐厅用餐　2男“特登将张单放喺我阿妈𠮶边”

有沙田街坊在地区facebook群组“沙田之友”发帖，提醒“大家同人搭台小心啲”，事缘他母亲5月20日独自到好运中心1间陕西菜餐厅吃午餐，坐在大台时同桌有不同食客齐齐搭台，其中2名操带口音广东话的男子，点餐后待职员放下帐单时，“佢哋特登将张单放喺我阿妈𠮶边”。

结帐时被指“攞错单”　幸未中计

楼主母亲用餐后拿自己的帐单去结帐，2男突然声称她“攞错单”，幸好母亲当时确认是自己的单，“唔show佢哋”没有中计。楼主担心未必所有长者如此警觉，“如果有啲老人家唔系咁醒目，真系可能会畀佢哋昆咗埋张2个人嘅单”。

网民担心有长者受骗：有啲老人家唔系咁精灵

街坊们大赞楼主母亲“醒目”，“咪当阿婆懵盛盛，婆婆好嘢”，又批评2名男子缺德，“依啲垃圾！当人老人痴呆吖！一对台上食乜就知啦！”、“呃饮呃食咁无耻”、“咁都贪⋯⋯”。

虽有网民觉得类似手法不会有人受骗，“阿婆日日都系食𠮶啲，都系𠮶个数埋单，点会畀佢呃到”，但有留言认为“有啲老人家唔系咁精灵”，有需要提醒身边长者。