大家觉得这慢煮牛扒是否达五成熟？有食客于网上发文表示，日前在1间餐厅点了份五成熟“美式慢烧安格斯肉眼牛扒”，上桌时牛扒呈现生牛肉刺身的半透明鲜红色，肉质难咬，他向店员再三确认，得到的回复是正常五成熟。他质疑熟度，不满太生，称“嚼唔到”、“狂起渣”，要求再煮成五成熟，最终却获得九成熟的“柴皮肉干”，令他甚感无奈。

有网民留言笑说，“你块牛上咗台都仲moo moo叫紧”、“有冇快啲拎去兽医度，可能仲救得返”、“做咗原始人茹毛饮血咁，劲似解冻完直接上台”。

不过有网民指出，“Prime rib（烤牛肋排）系咁嘅（low and slow嘅做法），佢去慢焗嘅时候，肌红蛋白会变得额外粉红”、“食过呢间，慢煮五成系咁上下，佢一开始会问你使唔使烧一烧两面，你拣唔使就系咁”。

“去食饭真系可以刷新我对‘五成熟’嘅认知。”该食客于Threads发文讲述事件，他日前在1间餐厅点了份五成熟“美式慢烧安格斯肉眼牛扒”，上桌时牛扒“块肉湿漉漉、全块呈现生牛肉刺身（Carpaccio）𠮶种‘半透明鲜红色’，最正系右下角嚿肥膏，死白、硬邦邦，边缘锐利，完全无被烤箱温度感化过，食咗两啖𡁻都𡁻唔落”。

不满五成熟慢煮牛扒像生肉难切咬

楼主表示，他忍不住再三向店员确认，“唔好意思，呢个熟度真系五成熟？”，店员看着牛扒坚定回答“系啊，慢烧menu写明影出嚟就系咁粉红色”。

食客向店员员反映　获九成熟柴皮肉干

楼主指出，点餐时要求不用煎，因他期待的是正常慢烧效果，而他之前未吃过慢烧，担心是自己弄错，但他再仔细看餐牌，“明明系不透明、肉质纤维扎实嘅熟成粉红，再睇埋人哋平时食开嘅正常版，人哋旧肥膏至少系微黄软化、边缘溶溶哋”。

楼主不满牛扒太生，于是要求店员拿回厨房“整返好去五成熟”，而他怀疑“厨房可能觉得我嫌生”，再上桌时，“直接塞咗块‘九成熟’嘅柴皮肉干畀我”。

食客：呢块扒生到切唔到落去

楼主揶揄餐厅，“由近乎全生（虽然店员盲目坚称系五成），1秒光速跳跃到九成干柴，完全无中间，呢种极端嘅控温技术，真系神乎其技”。

楼主强调平日完全不怕吃鞑靼牛肉或日式牛肉刺身等生牛肉料理，“但呢块扒真系生到一个极致，我系直头连切都切唔到落去！拎住把牛扒刀，我出尽架生去锯，先勉强切到”。

食客：嚼都嚼唔到嘅生橡筋质地

楼主续说，“最崩溃嘅系，摆入口完全系嚼都嚼唔到嘅生橡筋质地，疯狂起渣。最后我竟然系要好似条蛇吞象咁，夹硬、夹硬将𠮶两块生肉直接吞下肚！食咗两啖，真系顶唔顺，即刻停手”。

他无奈问广大网民：“想问下各位牛扒大师，究竟系我对美式慢烧有误解，定系我问题？”

网民激辩：生到劲夸张 VS 呢个样好正常

帖文引来网民热议，有网民质疑不够五成熟，“咁又真系生到劲夸张㖞”、“呢块肉系无煮过嘅痕迹”、“只牛应该仲可以抢救得返”、“呢个天气摆到听日应该都够五成熟”、“会唔会听错咗唔使熟，唔系五成熟”、“我都叫过呢1块，𠮶阵时叫七成我觉得佢生得滞，啲肉都系流血，慢煮啫，七成都唔使流晒血咁样畀人㗎嘛”。

不过也有网民指出是正常，“你呢块唔系牛扒嚟，英国叫roast，美国叫prime rib系1大嚿肉roast熟，佢跟住切1片畀你”、“慢煮唔系就系咁嘅色咩？虽然正常会再煎一煎个面上色嘅，不过呢块就应该熟㗎㖞？”、“Slow roast完呢个样好正常，啲肥膏位会死白变硬只系因为佢咁样出，佢扒好快会冻，所以难切啲同埋干硬啲”、“食过几间慢煮都系咁上下，我食开三成嘅望落会再生啲似未煮过，但食入口其实无嘢。牛扒好忌翻煎，可能我技术问题啦，但对我嚟讲其实牛扒好易煎过笼，一翻煎就会变肉干”。

有网民就教路分辨牛扒熟度方法，“用手指公掂住无名指，然后用另1只手按压大鱼际肌，𠮶个触感会同五成熟一样，然后再压下块肉，睇下触感一唔一样就知”。

（Threads@kenhui007）