乘搭巴士不宜大声聊天骚扰其他乘客！有巴士乘客于网上发文公审1名女子，该女子乘搭来往显径及美孚的46X线九巴期间，大声聊天致车长两度广播要求降低声量，但女子未有理会，更与车长争执，下车前站在车长座位旁拍摄及报警，导致巴士停驶，其他乘客须转乘另1辆车。

网民纷纷批评闹事女子，“阻住地球转”、“佢真系唔知丑字点写！太多人倾偈好大声唔理人感受！真系好讨厌㗎！”，又指出“车祸就可能系呢啲蛮不讲理的乘客骚扰司机情绪引致，下次乘客要齐心制止呢啲人的行为！”。

目击事件的巴士乘客于Threads发文发片指出，该女子“倾计大声到车长出咗2次广播都唔肯收声，临落车仲要去影人（车长）”。影片听到车长说，“（唔系）大晒㗎小姐，请你行开呀，黄格”。

搭九巴大声倾计被劝告　女乘客不满报警

楼主续说，“（车长）问佢落唔落车又唔落，闩咗门开车就喺到嘈要开门落车，又报警呢样𠮶样”，导致巴士要停在路边等待警员到场，其他乘客须转乘另1辆车。

楼主：难为有啲乘客等下1班车要差唔多20分钟

楼主表示，起初很多乘客没留意到发生什么事，知道后“其他人都有出声”，“喺车嘅乘客全部都企喺车长𠮶边，个个都同车长讲辛苦晒佢”，又说“成车人因为佢唔知要迟几多先返到屋企啦，难为有啲乘客等下1班车都要差唔多20分钟呀”。

楼主指出，她当日上班“好忙好攰迟收工”，想快点回家吃宵夜休息，“俾佢（女子）搞一搞嬲到1个极致”，“后尾佢仲喺到嘈𠮶阵，我已经忍唔住叫佢收声”。楼主又道歉说“同车嘅乘客如果我X亲你真系唔好意思”。

网民斥女子：畀𠮶几蚊以为自已系大爷

网民批评女子，“最憎啲人自己错又唔认，俾人闹就闹返人转头，呢啲人真系好不知所谓”、“而家啲人系咪以为影住人闹就系啱，搭巴士不嬲都有广播唔好咁大声影响乘客同车长揸车，无知真可怕”、“畀𠮶几蚊以为自已系大爷嘅咸鱼，揸开车嘅人系会明白，唔好挑起司机嘅情绪，等司机可以安心完成车程”。

有网民指出，“成车人齐心大大声XX佢啦”、“司机工作中X唔到佢，呢个时候乘客要齐心帮手X啦”、“要求巴士公司永久禁止呢个女人再搭巴士”。

阻碍或妨碍巴士司机有什么刑罚？

根据九巴乘客须知，乘客应为其他乘客设想，不应在车内作出令其他乘客感到烦扰的行为（例如高声谈话、剪指甲、大声播放流动设备音响、用脚顶着前面椅背或将脚踏在座椅上等）。

根据香港法例第230A章《公共巴士服务规例》第13A(1)条“乘客及拟成为乘客的人的一般行为”，任何乘客或拟成为乘客的人均不得故意阻碍或妨碍巴士司机或任何获授权的人，或故意分散他们的注意力。任何人无合理辩解而违反条文，即属犯罪，可处第2级罚款（5,000港元）及监禁6个月。

（Threads@carman43）