港铁女乘客对付“柱女” 将手摄入扶手顶背部 网民激赞：做得好
成功对付挨港铁扶手的人，简直大快人心！有港铁女乘客近日发文发片，分享如何对付将背部全依靠在车厢扶手的“柱男柱女”，方法就是大胆将手摄入对方背部与扶手之间，令缺德者感到不舒服而把背部移离扶手。
网民纷纷大赞方法有效，“做得好！对付一班‘柱男柱女’人人有责”、“支持你继续制裁呢啲人，见到佢哋败走真系好心凉”，有网民则说“好彩你系女人，如果唔系又俾人话非礼”、“依家咁热，佢哋啲臭味或者湿湿的感觉，我投降”。
该港铁女乘客6月6日于Threads发文发片表示，“今日制裁咗2个”。影片见到，楼主对付2名港铁“柱女”，在车厢内将手摄入对方背部与扶手之间，令“柱女”只好远离扶手。
将手摄入背部与扶手间对付“柱女”
网民批评，“真系好憎啲柱男柱女，特别人多劲逼嘅时候，想揾条柱扶下都无，要好似楼主咁，喺柱与人形物体间揾条隙缝，摄只手入去”、“柱女易搞啲，柱男柱叔柱伯柱婶搞唔掂，推都推唔郁压住你”。
网民分享更多对付方法：戴夸张戒指、出声指责
有网民分享其他对付方法，“我N年前系会戴好夸张嘅戒指，然后一嘢顶落佢哋背脊”、“我都会系咁，如果佢都仲系坚持压落嚟，我会竖起啲手指插佢”、“我直接用个电话‘银’落去佢个背脊骨，佢自然一定缩，之后用个电话顶实个位，等佢冇得挨”、“有时见啲小妹妹唔敢出声，我直接讲：柱男先生，唔该借借”、“我系会直接拍佢，同佢讲条柱唔系畀佢用嚟挨，遇过太多人用中指顶佢背脊都无反应，要直接X”。
有女网民分享不快经历，“我间唔中都会揸住扶手因为我平衡力一般，有次揸住扶手𠮶阵有个望落大约30头左右嘅男人望落都算斯文样，佢照挨落嚟，我已经心谂做乜X，我坚决唔缩手，佢仲刻意挨得大力啲，我都唔执输用手指关节位顶返佢啦，条友feel到就即刻拧转面怒睥我，好似想开拖咁，吓到我又有少少淆底，加上我到站落车就冇咗下文了，但系谂返起真系好嬲，明明系佢唔啱都要咁恶，佢眼神仲要上下打量我”。