港人近年爱北上消费，不过去深圳切记要小心“擦鞋党”！有港男生于网上分享影片，见到深圳街头有年轻男子向男途人推销擦鞋清洁剂，更蹲下追着抹拖鞋，男途人一直未有理会才放弃。

网民笑说，“拖鞋都抹，真系笑X咗”、“条友理都唔理佢”。有网民认为是诈骗，“好多呢类，之前过关𠮶阵大陆𠮶边都有牌写住叫人唔好信擦鞋党，原价10蚊支淘宝都有”、“支嘢几蚊1支几10倍mark up（加价）卖畀你，仲要遇着有班香港人以为帮衬佢做善事帮后生仔”。

该港男生于Threads发文发片表示，“香港人去深圳的时候要小心这个人”。

深圳男推销清洁剂、蹲下追抹拖鞋

影片见到，1名揹着背包的年轻男子向男途人推销擦鞋清洁剂，紧接突然蹲下帮男途人抹拖鞋，男途人疑惑地看了一下，没理会继续向前走，年轻男子死心不息追着抹，见未能成功推销才站起身。

网民分享经历：被讹咗$199

不少网民分享经历，“真的有毛病，我穿洞洞鞋喷我脚上”、、“我同𠮶frd去深圳好出名𠮶皇庭广场定唔记得叫咩，有条友就咁冇啦啦帮我哋擦鞋，好彩我身手敏捷一下跳起身，然后拉住我𠮶frd跑走咗”。

上次佢想喷我老友对GUCCI白鞋，我即刻大嗌，你喷我就报警，佢仲闹返我话我恶！

甚至有网民本着助人之心购买了擦鞋清洁剂，“一上来擦我波鞋，睇系学生，有点心软，就买咗。第1支卖我99，话3支一齐买有优惠，后面先知道系有组织一齐讹人！被讹咗$199”、“之前新年见过1个男仔又系卖呢支嘢，有礼貌问咗先喷，几靓仔，又高又黑，有啲似藏族人，所以买咗当新年利市仔”。亦有目击者说“㖊日先遇到，有个大陆阿姐99蚊买咗两支所谓鞋嘅清洁剂”。

深圳人：一般看到直接跑　网民指是骗子吁勿买

有深圳人指出，“作为深圳人我一般看到直接跑，因为不知道他们喷的是什么东西，一上来就往你鞋子上喷，反正我感觉好恐怖”、“我想知道他们有什么KPI吗？我和我妈出门逛街碰到好几次了”。

另有网民表示，“唔明点解咁多年都仲有咁情况”、“2026年了还有如此落后的推销”、“仲有个卖按摩枪走埋嚟按你条颈”、“各位记住大大声X，叫佢赔钱就得”、“勿再买，全是不值钱的东西，他们是集团式操作骗子！”。

（Threads@alansiu1007）

相关连结：女生遇追数党诈骗讲全名住址　叫15分钟回家还钱否则“上去做嘢”

骗徒无处不在，市民切记要小心提防！1名香港女生在Threads发文表示，今年6月3日收到陌生人来电，当询问对方身份时，她的手机刚好耗尽电源，令她有时间思考到底是谁致电。楼主称一度以为对方是送货员，但之前1天才订货，1个月后才会送递上门，而电话充电期间再有人致电，是“同一个嘅6字头”号码，楼主才知道并非送货。

陌生来电称欠债追数：上去做嘢

楼主表示，来电者说得出其姓名，称呼她为“小姐”，无礼地询问“喂！你15分钟内返唔返到屋企？”。楼主直言：“返唔到㖞！咩事？”对方声称楼主“争人哋钱”，总数28,500元，自称是受到1间财务公司委托“收返你条数”。楼主立即否认欠债，但对方准确说出其住址，意带恐吓；楼主再次强调没有欠债，警告“你再打嚟我报警！”，对方反称“你报啦！我𠵱家就上去做嘢！”，楼主闻言挂断电话。

网民：诈骗，我都收过

大量网民留言指“我都收过呢啲电话，我叫佢上嚟收，话一定要当面俾佢，佢系都叫我入户口，我坚持要佢上嚟，佢最后只可以收线，我打返个电话叫佢快啲上嚟，2次之后佢电话就唔通”、“诈骗，我都收过，仲讲得出我全名同身份证号码，佢话唔过数就上门，我话惊佢去错想同佢对埋地址，佢讲唔出，只系不停话唔过数就上门”、“我都试过啦，我话我已经系屋企等紧你， 我揸住把大关刀”。

女生遇追数党诈骗讲全名住址　叫15分钟回家还钱否则“上去做嘢”