好有爱又感动！近日网上流传影片，1名焊接检验师叔叔单膝跪坐在轻铁坑尾村站月台，向两名充满好奇心的男童耐心解释为何穿着反光衣及平日工作内容，男童静静地认真听讲解，暖心画面引来网民大赞，“好靓嘅画面，叔叔好自豪分享，小朋友又好认真听，重点系妈妈冇话乜嘢唔读书就做呢啲，畀小朋友去见识下，赞！”。

男童妈妈亦于留言区现身，感激叔叔当时的反应，“佢立即踎低，用同高度嘅视觉回应细佬”、“叔叔好好，1个陌生孩子的发问被认真对待，这比一切都来得美好”。

有轻铁乘客于Threads发文发片表示，在轻铁站月台候车期间听到1名叔叔与两名男童的对话，叔叔先说“等我揾个安全啲嘅位置坐低先”，由于距离太远，她听不到男童说了什么。

男童对反光衣感好奇　叔叔跪下耐心讲解

楼主说，其间听到叔叔不停鼓励男童发问，男童认真听，叔叔亦认真讲解，最后列车到达叔叔要离开，男童祝福了1句“身体健康”，而男童妈妈一直在旁笑着，楼主直言“睇完呢个画面觉得今日心情好好”。

楼主分享了1段14秒影片，见到1名穿红灰色反光衣的叔叔单膝跪坐在轻铁月台耐心讲解，“睇下佢𠮶嚿铁会唔会中间有开口，有开口咪即是黐得唔靓仔，咁就麻烦啲工人，唔该再搽啲胶水、溶过啲金属黐过佢”，两名男童站在身前认真地听。

男童妈妈感激叔叔：踎低回应，用简单词汇解释

帖文引来男童妈妈现身讲述事件过程，“其实一开始细佬系俾叔叔件衫吸引咗，之后佢问我，点解叔叔要着反光衣？于是我就叫佢试下问下叔叔系做咩工作”，叔叔回应是“验焊工人”。

男童妈妈感激道，“当时呢个叔叔嘅反应都令我好动容，佢立即踎低，用同高度嘅视觉回应细佬”，又赞叔叔亲切，“好努力去用简单嘅词汇解释畀佢（细佬）听，细佬只系唔太听得明，所以睇落去个样好紧张。之后叔叔仲打开个袋拎咗几件工具出嚟畀佢睇，佢到夜晚黑都仲有讲叔叔个刷好特别”。

男童妈妈：细佬系超级E人，经常喺街同人倾偈

男童妈妈同时感谢楼主拍下影片，指出“细佬系超级E人（外向型），所以佢其实经常都会喺街同人倾偈，同埋祝大家身体健康”。

网民大赞妈妈：适当放手畀儿子自由发挥

影片引来热议，有网民表示“好得意，虽然个样望落好似听唔明咁”、“我系咪真系老咗，睇到呢啲画面竟然会眼湿湿”、“求知欲好宝贵，见到佢哋可以问真人唔系问AI真好”、“每个职业都好应该被尊重”。

有网民大赞妈妈教育方式，“身教好重要，会嗌仔仔主动沟通，有啲家长见到可能嫌人污糟拉个仔走”、“小朋友充满好奇心，有礼貌又主动问，妈妈又适当地放手畀佢哋自由发挥，非常好”、“小朋友喺走前同叔叔讲身体健康好sweet，妈妈教得好好”。

网民赞叔叔有耐心：整件事要畀10万个like

有网民就赞叔叔有耐心，“最难得系叔叔又耐心地回答，整件事真系要畀10万个like”、“睇得出呢位叔叔系好肯提携后辈又有耐心嘅前辈，而两位小朋友系非常专心学习又有礼貌嘅后辈，呢个配搭好温馨”、“小朋友好奇心每事问，解答者又有爱心耐性”、“开明嘅妈妈、聪颖嘅细路，同耐心嘅叔叔，合力说好香港故事”。

（Threads@kinkipig95）

相关报道：城巴婴儿突抽筋！车长临时改道往医院　获赞好人好事　城巴谢谅解.

【城巴／那打素医院／79X】好人好事！有城巴乘客在网上发文表扬，指周五（2月6日）搭乘79X路线往粉岭皇后山邨方向途中，司机因知怎车上有婴儿突发地抽筋，临时决定改路驶去大埔，并将婴儿和全车乘客载到那打素医院，她事后大赞“司机有爱”，并在城巴网页留下回馈意见，表扬对方。

许多网民赞赏车长决定够果断，“第一时间就救人先，司机做得正确”、“感谢车长及时应变”、“要写信表扬车长”，亦感激其他乘客的包容和体谅。惟有人担心若接到投诉，车长难免会受责备，“标准流程系喺安全地方停低等救护车到，或者通知救护车喺下一个站等”、“希望巴土公司通融，莫处罚司机”。

城巴发言人回复《香港01》表示，周五晚上约10时，城巴79X路线巴士于吐露港公路行驶期间，有名乘客察觉同行小童不适，向车长寻求协助。车长认为情况紧急，安排巴士驶至大埔那打素医院附近，让乘客下车求诊，其后巴士继续行程。城巴正了解事件详情，并感谢同车乘客的谅解。

城巴婴儿突抽筋　城巴车长改路转驶那打素医院

该女乘客在threads帐号发帖，指周五（2月6日）晚上搭乘城巴79X路线回家，当巴士往粉岭皇后山邨方向行驶途中，司机突然更改路线“急转落大埔”。

由于该条巴士路线平日不会途经大埔，她最初以为司机“行错线”，后来才知道原来车上有婴儿抽筋，车长临时决定改道，将婴儿送往（大埔）那打素医院。楼主事后表示“希望bb无事”，同时大赞“司机有爱”。

睇全文：

城巴婴儿突抽筋！车长临时改道往医院　获赞好人好事　城巴谢谅解