过去数年疫情，提高了大众卫生意识，但近日就有家长被拍照公审，指在超市付款时，抱着同行女童，任由她脚踏用作摆放食物的自助付款机货台，其间更赞扬女童“识得啫条码好叻叻”。即使被同场顾客批评，家长只是转到另一个自助付款机，继续让女童踏在上方，网民痛批“最X憎呢啲家长！完全没公德心”、“唔好怪啲人厌童，全部都系啲冇家教嘅家长造成”。

家长抱女童踩上超市自助付款机货台

“唔知道小朋友对鞋底究竟有几干净呢？”该男顾客在threads发帖公审，指日前在某连锁超市排队等候付款时，从远处直击有家长抱着1名穿著鞋子的女童，任由对方直接踏上用作摆放食物的自助付款机货台上。

懒理同场顾客劝阻“换机再踩”

楼主表示，当时附近未见有职员，但有另一名男子看不过眼，大声指责涉事家长“好心唔好咁仆X摆个女上去”，但对方未有收敛，只是转至另一部自助付款机，继续容许女童将鞋踏上货台，其间更称赞她“识得啫条码好叻叻”，而到楼主付款时，对方一家经已离去。

网民斥缺德　寸爆：细路行嘅路特别干净㗎

不少网民批评相中家长无品，“宜家啲家长应捉去再教育啦…愈来愈不知所谓”、“最X憎呢啲家长！完全没公德心”、“佢有冇谂过啲人会将食物放上张台到”、“识行㗎个细路，佢喺街一样会踩到屎”、“佢哋系咪觉得细路行嘅路特别干净㗎，啲老豆老X会唔会俾佢哋返屋企著鞋踩床踩梳化先”、“喺度公审有乜用？即场要佢用消毒纸巾抹返呀嘛”。

网民直指“厌童”根源来自家长自身

有人就为社会所谓“厌童”风气解释，直指源头大多来自家长自身，“唔好怪啲人厌童，全部都系啲冇家教嘅家长造成”、“好多人其实唔系讨厌小朋友，系讨厌唔识教嘅父母”、“无教唔好嘅细路，只有教唔好嘅家长”、“喺地铁真系求其都睇得到啲细路著住对鞋踩上凳，家长根本唔理，香港到底几时变成咁”。

相关文章：男童穿鞋踏上自助付款机货台！遭劝阻爸爸亲寸爆回应：咁你投诉啰

这样让孩子站在摆放货物的桌面，真的没问题吗？网民日前于社交平台发文，声称在中半山某超市自助付款区，目击1名父亲容许儿子穿鞋企上自助付款机的货台，甚至以“Asian squat”姿势蹲坐，令人忧虑卫生情况。楼主指“完全唔明点解而家啲家长咁自私”，而他尝试上前理论，惟男童父亲却寸爆回应，反驳“有咩问题？啲货平时都系放地下㗎啦，有咩分别？”，又挑衅地叫楼主“咁你投诉啰”，惟超市职员太忙未能处理，事件便不了了之。

不少网民斥相中小朋友的行为，“永远啲人带住个细路就觉得佢哋鞋底好干净”。亦有网民批评楼主处理手法过于软弱，“明明你先啱，最后句搞到霸气尽失”。

男童穿鞋站货台　父亲寸爆反驳“有咩问题？”

该名网民在threads上发帖，指在中半山一间超市遇到一对父子，小朋友穿鞋站在自助付款机的货台上，事主认为应要有卫生考虑，当时见状即上前提醒，“点解着住鞋企上去咁污糟？人哋要放嘢系度㗎㖞”，讵料男童父亲寸爆反驳:“有咩问题？啲货平时都系放地下㗎啦，有咩分别？”

事主再质疑：“咁你唔企上去？”惟对方依旧重复同一说法，甚至挑衅式回道：“咁你投诉啰！”据事主称，当时想找超市职员投诉，惟职员太忙未能处理，他只能继续自助付款。临走前该名父亲更再三追问：“点呀？你投诉咗未？要唔要等你投诉完我先走？”事主虽然气愤，却选择离开，“唔使啦！唔好阻你时间啦”。

楼主被批“反应太软弱”

网民除了闹爆该名父亲，亦有唔少人批评楼主反应过于软弱：“明明系佢老豆错，但你回应阴声细气，仲要俾人寸返转头，搞到霸气尽失！”更有人示范“正确做法”：应该即场大声叫职员，“乜细路可以着鞋踩呢张台㗎咩？快啲攞湿纸巾抹干净先！”直言“咁先至够霸气”。

网民感叹：生仔要考牌

讨论串中更有人感叹，“而家香港好多年轻父母，地铁、餐厅、飞机、游乐场……任何企得嘅地方，都会由得小朋友着鞋企上去”，认为这种习惯已成社会风气，难免令人质疑教育是否出了问题。有网民感叹：“真系冇家教，唔怪得有人话生仔要考牌。”

（threads@brianbrainwong）