食环署于今日（7月9日）开始，容许狗只进入获批准食肆，人宠共融可谓迈进一大步！不过有网民就在社交平台贴出影片，指在宜家家居（IKEA）发现有男子携带狗狗入内，在没有使用狗绳情况下，放任狗狗在地上行走，面对职员劝阻态度敷衍，引来网民批评该狗主自私，“影衰晒养狗嘅人”、“以为全世界都系佢屋企，任得啲狗乱行”、“总有害群之马”、“（宠物友善）迟早俾呢啲自私狗主玩烂揽抄”。

带狗入IKEA未牵狗绳　任由狗狗地上行走

“其实呢啲狗主系唔系要搞到全港商舖都唔欢迎狗只先安乐？”有目击者在threads帐号“cutjwithoutpain”上传2段影片，显示有推着折叠式手推车的男子，携带1只狗狗进入IKEA，却在没有使用狗绳和宠物车的情况下，任由狗狗在地上行走。

职员上前劝阻　狗主态度敷衍：得啦得啦

及后店内有男职员上前提醒男子，疑似要求他抱起狗狗，勿让牠随地乱跑，但男子态度敷衍回复“得啦得啦”，却未有实际行动，狗狗当时则趴在地上。楼主事后表示“我本人都唔反对商舖畀狗进入，但希望狗主都守规则”，应为狗只配戴狗绳，亦不应让狗只在地上行走，以减少对其他顾客影响。

网民群斥涉事狗主自私：以为全世界都系佢屋企

网民纷纷批评涉事狗主自私，“又系𠮶啲谂住细细只冇所谓嘅狗主”、“影衰晒养狗嘅人”、“以为全世界都系佢屋企，任得啲狗乱行”、“宜家喺商场都要望地下，小心踩屎”、“着片同上绳系最基本，望周知”、“狗系无辜嘅，主人唔识自律先系问题”、“我都唔明点解香港咁多人唔拖狗，拖住佢好难嘅咩”、“舖头唔准带狗，啲狗主就收埋只狗喺袋照带入舖，到有舖头准带狗但要放袋或摆车仔，啲狗主就摆只狗落地，永远都唔守规矩”、“见到有餐厅开放宠物就开始自我膨胀，以为全世界都可以畀狗行”。

狗主们批评男子“做坏规矩”　忧影响宠物友善环境

有同为狗主的网民担心倘若更多类似事件“做坏规矩”，长远将影响宠物友善空间，“我养2只狗，我去得宠物友善商场都用手推车唔落地，严守自己唔好影响到其他人嘅宗旨”、“我自己系狗主，但落地一定上绳，但好多狗主会话：‘拖绳令到狗狗无自由好惨’，你唔顾人都顾下自己狗狗啦，俾人踩到或者走失冲出马路，受伤嘅都系狗狗”、“最X街就系唔上狗绳，要知道上狗绳唔系约束只狗，系保护只狗同自己！有咩事起上嚟咪又要只狗去承受”、“总有害群之马”、“（宠物友善）迟早俾呢啲自私狗主玩烂揽抄”。

IKEA为宠物友善商户　宠物必须装在宠物箱！

IKEA官方网页显示，香港门市（不包含餐厅）均为宠物友善空间，但主人需要遵守以下规则，宠物需要装在宠物箱、宠物车、或宠物背包等，并确实关好，以避免宠物的排泄物或水外泄，同时亦需要避免露出头部、尾巴、或爪子。

同场加映：屯门市广场主人未牵狗绳“放狗狗落地”尾随散步　网民斥做坏规矩

人宠共融概念固然是好，但饲主携带宠物前往商场时，切记要遵守场内规定！有屯门街坊在网上群组发文，指在屯门市广场发现有狗主未有使用狗绳，直接将2只狗狗放在地上散步，引来网民批评涉事者自私，“自己钟意以为全世界都钟意”、“硬系会有人做坏规矩”、“商场如果有规定宠物必须要坐车，就照做啦！如果因为你一个咁做，商场俾其他唔钟意宠物的人投诉，就唔会再有友善空间俾宠物进场”。

商场放狗？　未牵狗绳“放狗落地散步”

该街坊在facebook群组“真.屯门友”上传1张照片，指近日在屯门市广场中庭位置，发现有饲主在未有牵狗绳情况下，将2只啡色的贵妇犬直接放在地上，任由牠们尾随散步，但楼主依稀记得“印象中屯市好似无得放狗”，同时提出质疑“同埋去得商场，宠物唔系supposedly要坐车嘅咩？”

屯门市广场为宠物友善商场　惟禁止宠物下地

根据网上资料显示，屯门市广场属于宠物友善商场，场内亦设有可供宠物进入的餐厅，但主人们需要留意，进入场内的宠物必须手抱，或放在宠物袋、宠物车，换言之宠物是禁止下地行走。

网民斥狗主自私：自己钟意以为全世界都钟意

许多网民都批评相中狗主漠视商场规定，“自己钟意以为全世界都钟意”、“一向尊重小动物，但有冇谂过呢个世界都会有啲人系害怕小动物”、“一阵你睇唔实只小动物，佢整亲小朋友或行人嘅话，报警拉你都只会俾人话你抵死”。

网民忧商场接投诉　影响宠物友善空间

另有人担心若然商场接到投诉，恐怕会影响人宠共融，“无论任何国家、几pet friendly都好，都要问准规矩同保持个人礼貌”、“商场如果有规定宠物必须要坐车，就照做啦！如果因为你一个咁做，商场俾其他唔钟意宠物的人投诉，就唔会再有友善空间俾宠物进场”、“硬系会有人做坏规矩”、“喺商场就要带狗带㗎啦，如果连咁简单都做唔到嘅话，啲狗俾人恰个狗主真系冇权嗌救命”。

（threads＠cutjwithoutpain）