【何伯离世】消息指，城中话题人物“何伯”何煊，7月27日（星期一）在医院离世，终年77岁，消息震撼全港及一众网民，纷纷留言表达关注。

何伯何太“忘年恋”轰动全城　终反目成仇

人称“何伯”的何煊，因与比他年轻逾30岁的“何太”（叶秀定）展开“忘年恋”轰动全城，更在TVB节目《东张西望》怒斥5名子女拿走450万元积蓄。惟后来何伯何太反目成仇，2人去年在屯门菁田邨住所升降机大堂打斗，何伯图用折刀刺何太，被捕后曾向警称“因为佢要离婚改嫁走佬，所以我激气就揾刀插佢”。何伯早前承认意图蓄意伤人罪还押，其间一再入院，最终在缺席又无律师代表下，被入狱2个月。

网民叹何伯悲剧收场：黄昏恋都要带眼识人

何伯离世消息引起网民热议，不少人感叹何伯原本“一手好牌”，有数百万元积蓄又有子女相伴，讵料“色字头上一把刀，最终“悲剧收场”，“所以人要懂安份守己”、“黄昏恋都要带眼识人”、“原本以为自己系世上最幸运嘅男人，不惜同自己子女反目，最后发现原来自己真系大傻仔，𠮶种由天堂跌落地底嘅心情，好多人都顶唔顺”、“点都好啦，一路走好，人走了什么也了结完，呢个结局比电视剧更出人意表”。

网民提醒：身边有许多何伯，勿让悲剧再生

何伯曾透露丧妻后感到寂寞，遇上年轻三十多岁的何太后发展黄昏恋，而他与子女反目，又与何太关系破裂兼打斗被控，心理报告指何伯承受社会压力及羞辱，令他在情感上极度脆弱。有网民提醒，何伯的悲剧只是其中一个缩影，无论是长者抑或为人子女，应从中汲取教训，“其实我哋身边有好多‘何伯’，好多老人家心灵都空虚寂寞，容易‘恋爱脑’，多啲关心，就会少啲悲剧发生”、“黄昏恋唔系错，但要教佢将钱财分开，否则容易家变”。

相关报道：盘点何伯事件10金句　何太：我不会呃人

【东张西望／何伯／新何太／公屋富户】何伯、新何太“忘年恋”事件成为全城热话，之前上《东张西望》时每集都金句尽出。以下是网民盘点何伯、新何太10大金句，让大家重温2人“真爱”宣言。

何伯金句：

1.斥子女不孝：

大女仲话揽炒，讲到咁绝情，老窦希望揾返个招呼我、服侍我下半生啫，咁你都要反对我？咁我当初供书教学畀你哋点啊？而家阿妈走咗9年喇，我第1次识返个啫！我对我5个子女心淡失望，佢哋不孝！5个都不孝……斩咗缆㗎喇，个个都反骨忤逆！

2.对新何太“爱的宣言”：

大家望到觉得（感觉）几好，佢（新何太）又煲汤畀我饮，我就饮，哗，啲汤好靓㖞，饮出感情出嚟。我太太话不如咁啦，我哋既然真心相爱，去签结婚证书啦。

3.饮汤饮出感情：

个个都话饮（汤）死你啊！毒死你啊！饮死我？愈饮愈精神！

4.撑新何太系老实人：

我信得佢（新何太）过，佢唔会氹我钱㗎，我心目中佢唔系坏女人。我知道佢系老实嘅人。个个都针对佢，针对我太太，你话我几心痛呢……我见我老婆老实，佢就唔会呃我啲钱㗎嘛

新何太金句：

5.否认骗财：

因为呢个社会真系好多骗人嘅，啲人俾人呃咗啲钱真系好惨，但系我唔会（呃人）啰，哈。我会承担照顾佢，我有一啖饭食，佢就有，我唔会畀佢饿亲。生意失败嘅话，我都会打工养佢，佢唔使忧。

6.发生咗关系：

新何太承认同佢（何伯）行埋咗“发生咗一啲关系”而结婚，其后更在新一集预告片中表示“阿叔畀咗身体我、畀咗肉体我，就留咗啲钱畀佢仔女保管，佢仔女攞钱去，我就要跟佢挨苦，先证明到人哋系真爱，咁傻嘅！唔通有钱就唔系真爱咩？咁奇怪”。

7.否认当何伯猎物：

冇呢回事，我点解要当佢猎物？我当佢系宝，好唔好？啲人真系奇怪。

8.名正言顺继承遗产：

何伯指摘5个子女只为“争遗产”时，新何太补充：“因为我名正言顺成为合法夫妻，佢哋（何伯5名子女）就无咗继承权，咪先下手为强。”

9.斥何伯子女有敌意：

你（何伯）死咗第日，你个细女嚟揾我算账啊。

10.执著何伯用字：

何伯在镜头前接受访问时提到，“几十岁，有事我走咗，佢（细女）承继得到”，新何太随即“插嘴”打断，“处理得到，你唔好讲承继啦，唔系佢继承啊嘛，用词用好啲好唔好？”