住户每晚回家都要先避过老鼠关卡？有香港女生近日经过新蒲岗越秀广场及如意楼之间后巷时，惊见大厦入口楼梯鼠患严重，她拍下影片于网上分享，见到约有10只老鼠在栏杆位置乱窜。

网民看影片后大呼恐怖，“比迪士尼更似老鼠乐园”、“我怀疑猫见到都惊”、“楼上点住人”、“好惨，都唔知点上楼，屋入面又要惊老鼠入屋，真系人都癫”、“送外卖见到点算”、“新蒲岗鼠患问题系比较严重，但呢度真系夸张咗啲”。有网民指出，“新蒲岗、土瓜湾、大角咀，唔惊讶”、“仲有大埔，呢几个地方真系劲多老鼠”。

该港女生于Threads发文发片，见到新蒲岗如意楼大厦入口楼梯，约有10只老鼠在栏杆位置乱窜，画面极之震撼。

新蒲岗如意楼入口约10只老鼠乱窜

不少网民指出，新蒲岗鼠患问题一直严重，“每次凌晨要行去越秀𠮶间麦当劳都好X大勇气，已经唔知几多次行去嘅时候见到老鼠喺条街尖叫，好佩服住楼上嘅人”、“Mikiki 附近都唔少老鼠”、“马会附近都有好多老鼠，基本上成个新蒲岗都系米奇乐园”、“老鼠树都系新蒲岗，唔知处理咗未，定系要斩咗棵树？”。

新蒲岗街坊：卫生愈来愈差

有街坊说，“本人住新蒲岗唐楼30年，只可以话卫生愈来愈差，尤其啲唐楼，激多甲甴同老鼠，全部躲喺啲去水渠到，呢排落雨佢哋涌晒出嚟”、“我10年前住过呢度，同越秀中间条巷仔，一到夜晚就好多老鼠，估唔到而家癫到，连大厦都咁多”。

有街坊表示除了鼠患，新蒲岗还有其他卫生问题，“㖊日经过得龙条巷仔，目测有4-50只曱甴，有生有死”、“马会、公园上面啲鸽成日低飞去十字路口，过马路兜口兜面片埋嚟，连埋啲后巷，劲多卫生问题”，甚至有人称“新蒲岗有个阿婆成日出嚟喂老鼠，喂到完全唔惊人”。

网民欲去新蒲岗觅食　因鼠患严重却步

有网民表示鼠患问题令其不敢去新蒲岗觅食，“所以喺呢度睇到好多人介绍新蒲岗好食嘅餐厅，我谂起呢度嘅鼠患好严重，令我却步”、“之前都觉得新蒲岗有好多正嘢食，但之后发现好多出名嘅食肆本身都污糟，二嚟真系好惊餐厅厨房俾老鼠行过/咬食材，我食咗咪大镬”。

有网民分析鼠患严重原因，“问题唔系清洁工，系多咗好多污糟邋遢嘅自私人。眼见清洁工佢哋不停做，一堆人食嘢垃圾周街掉，我试过出声提返要掉去垃圾桶，都好似我错咁”、“气候变咗，无冬天，系咁生。灭鼠方法无突破，少咗垃圾桶，晚上垃圾随处放”。

新蒲岗休憩处曾有大批老鼠出

新蒲岗鼠患一向严重，其中去年11月17日，有网民在Threads上载影片，显示彩虹道8号对开“新蒲岗休憩处”的一棵大树，惊现大量老鼠爬行及匿藏。《香港01》记者当晚到场观察，同样见到多只老鼠在该棵大树上落，不时在树根的空隙间穿插走动，行动敏捷；亦有老鼠“眼仔碌碌”站在树干分支处短暂停留，或与其他老鼠“交头接耳”后分别跑走，树旁则放有两个“鼠饵站”。

（Threads@nagisa_see_mi）

其他报道：旺角店传猫叫声有猫被困？店外告示︰电子声驱鼠　网民笑：装假猫

养猫可以捕鼠，播放猫声也可以驱鼠？有香港女生在Facebook群组“香港猫店长关注组”上载1张照片，可见店舖铁闸贴上告示，上款写着“各位街坊、朋友”，下款则是广东道某号数的“店主示”，内容提及“店舖入面啲猫叫声系假猫电子叫声，用嚟驱逐老鼠，请大家见谅”，相信店内假猫电子叫声曾经引起不知情人士的误会，以为有猫被困。

网民质疑电子猫叫声成效

楼主都笑言“路过听见有猫声，被fake起，原来用猫声赶米奇，但唔知成效如何呢？”，许多网民留言指“好像老鼠药咁，初期叫有效但之后分别到后就唔会再中计，系暂时有用嘅对策”、“唔系装假狗，系装假猫”、“坚嘅都未必惊，仲惊你个流嘅？”、“连猫捉老鼠工作都被科技取代”。

过来人强调真猫吓鼠无法取代

有网民提出更有效方法，“老鼠系惊猫阵气味，唔系惊声”、“声音无用，老鼠系怕猫气味”、“老鼠识分辨猫的体味”、“猫屎最有效”。

警方7月15日收到报案

警方回复《香港01》查询时表示，今年7月15日下午4时17分，有途人经过旺角广东道997号一间店舖，上址没有营业，却听到猫叫声，担心有猫被困，于是报案。警员到场揭发猫声只是录音，相信店主用来吓走老鼠。

（Facebook群组“香港猫店长关注组”）