搭乘公共交通工具时，遇到有人“霸位”实在令人气愤！有巴士乘客在社交平台公审，指1名中年男士将背囊放在座位，当有女乘客上车要求对方拿起背囊时，却被他以“个袋好重”为由拒绝让位，即使面对车上众人指责，该男子亦无动于衷。网民纷纷批评男子行为无耻，“你个袋无俾车钱㗎”、“你个袋重唔重唔X关我事，大家都系俾咁多钱”，又质疑他“恰女仔”，“换转个麻甩佬我睇你敢唔敢唔让”。

中年汉搭巴士1人霸2个位！　称背囊“好重”拒让座女生

该女乘客在threads帐号上传1张照片，显示1名头戴鸭舌帽的中年男士坐在巴士下层、靠近走廊通道的4人座位，并将其黑色背囊放在旁边座位，目测车厢近乎“爆满”，有女士需要站在通道间。楼主指，当时有女生要求该男子拿起背囊，但他没有理会，更以“个袋好重”为由拒绝让座，并要求对方多等15分钟，估计是要女生等他下车后，方能坐在座位。

乘客帮忙发声　中年汉反击：你哋唔让位俾个女仔？

楼主续称，他当时睡着被吵醒，发现车上已有其他乘客为该女生发声，但男子却反过来指责其他人“点解唔让位俾个女仔”，更指责女生“15分钟都等唔到，喺呢个社会生存唔到㗎啦”。楼主不满对方自私嚣张的态度，遂拍照公审，“俾一个人嘅钱坐到两个位”。

网民斥无耻：好重关人咩事，你个袋无俾车钱㗎

帖文惹来网民纷纷批评相中男子行为无品，“无耻之徒”、“宜家真系多咗好多自私精，不分年龄，有老有嫩”、“重你孭出嚟托咩？”、“你个袋重唔重唔X关我事，大家都系俾咁多钱”、“放地下啦，位俾人坐唔系放死物啰”、“你个袋无俾车钱㗎”、“凭咩要人等？你唔拎住个袋15分钟先？”、“最X憎呢啲X样，坐出边个位，就霸住入边个位”。

男子被质疑“恰女仔”：换转麻甩佬睇你敢唔敢唔让

另有留言质疑男子明显是“恰女仔”，“换转个麻甩佬我睇你敢唔敢唔让”、“我朋友6呎高大大嚿，试过埋去一嘢掉X走啲嘢坐落去，啲仆X声到唔敢声，死死地气埋去执返”，并建议“以其人之道，还治其人之身”反击，“咁就直接企喺佢前面，如果佢要落车叫你让开，你就唔好郁，话你只脚好重，叫佢等15分钟”。

相关报道：巴士夫妇2人霸4个位“连鞋带脚”踩上凳！乘客斥：睥住都唔放落嚟

搭乘公共交通工具应要注意言行，以免影响其他乘客！本港社交网络疯传照片，显示有夫妇搭乘巴士时坐于4人座位，两人先是将大袋物件放置在对面位，其中女士更“连鞋带脚”踏上斜对面位，2人共霸占4个座位。乘客形容两人即使被其他人“系咁睥住”都未有放下脚，看不过眼遂公审，引来网民狠斥“无耻就无敌”，“如果有位坐，畀你放物件都唔紧要，但最仆X就系个女人对脚踩上去，当正自己屋企咁”、“落紧雨对鞋又湿又污秽，下一个乘客着短裤短裙就惨了”。

有街坊在facebook群组“将军澳 • 日出康城 | TKO • LOHAS PARK”上传1张照片公审，指日前于晚上9时、搭乘城巴790路线开往康城方向的巴士，遇到相中疑似夫妇的男女，不但2个人霸占4个座位，更“连鞋带脚”踏放至对面座位上。楼主不满表示，“我同其他乘客都已经系咁睥住佢，佢都仲唔肯放返只脚落嚟”，看不过眼对方缺德举动，所以分享到网上，并称“一于帮你哋出名”。

夫妇搭巴士2人霸4个位　“连鞋带脚”踩上凳懒理乘客侧目

从相中可见，2名男女坐在巴士下层的4人座位，他们将大袋物件摆放在对面座位，其中女子更将右脚连同鞋子直接晾放在斜对面的座位上，目测当时车上虽然仍有空余座位，但女子晾脚行为会弄脏座位，即使惹来乘客侧目仍然懒理，实在令人反感。

网民群斥女子自私：当正自己屋企咁

相片及后被转载至其他社交平台，大批网民狠斥相中女子行为自私兼无品，“冇家教”、“无耻就无敌”、“佢老公反而冇乜点样，系个女人衰格”、“如果有位坐，畀你放物件都唔紧要，但最仆X就系个女人对脚踩上去，当正自己屋企咁”、“其他人仲要坐㗎，佢会唔会自己屋企都系咁坐先？”、“落紧雨对鞋又湿又污秽，下一个乘客着短裤短裙就惨了”、“身为香港人，唔好咁样好唔好？”、“真系好失礼人”、“影衰香港人”。

楼主事后公审惹议：唔出声佢哋就觉得冇问题

有留言认为楼主和其他乘客应该即场指正，事后公审根本无助事件，“下次试下讲，唔出声佢哋就觉得冇问题”、“要对付呢啲咁无公德心又无教养嘅人，大家一齐出声就好，因为呢种人系欺善怕恶”、“我会出声，同埋叫佢抹干净张凳”、“你做咩唔专登坐去佢对面，等佢冇得咁样”。

（threads＠jk_chatu）