农历七月│歌连臣角祭品被盗 港男生斥黐线 网民:偷先人嘢要折寿
连先人祭品也偷，不怕有报应？有港男生于网上发文怒斥有人于歌连臣角偷祭品，殡仪公司无奈通知送抵的祭品由于无人看守遭取走，他只能冒雨出门重新购置祭品，而石厂师傅猜测“好有可能系行家拎咗”。
网民留言批评贼人，“祭品都偷，黐X线”、“边个咁缺德，想死定”、“好偷唔偷，偷先人啲嘢？要折寿㗎㖞”、“7月14先嚟偷，祝佢好运”，有网民指出，“唔奇，因为衣纸唔平，可能偷去转售”、“呢啲地方人流少，要查一阵都睇到，睇有冇心查”、“久唔久都发生㗎，唔记得叫咪拎人哋𠮶套”。
该港男生于Threads发文发相怒斥，“简直系黐X线，边X个咁XX街，喺歌连臣角偷祭品”。他近日筹办丧礼祭祀先人，殡仪公司8月26日早上将祭品送抵歌连臣角，随后祭品竟被人取走，当时殡仪公司致电及WhatApp传讯息通知，道歉说“真系唔好意思，因为早上送，没有人看守，被人取了”，他只能冒雨出门重新购置祭品。
因为早上送，没有人看守，被人取了
歌连臣角祭品被盗 港男生发文闹爆
男生从殡仪公司传给他的照片推测，多间殡仪公司及石厂均于同1间祭品公司预订祭品及附荐包，祭品公司会一大早将多箱物品送往歌连臣角，每个纸皮箱都贴着印有殡仪公司或师傅名字的A4纸，附荐包亦一早写了先人名字及烧衣日子。
男生：逻辑推算唔关职员、清洁姐姐事
男生认为，“逻辑推算应该就唔关啲职员、清洁姐姐事，佢哋今日个个都好nice好好帮手”，又说“我呢间殡仪公司算系咁，佢冇收我祭品同附荐包嘅钱，佢哋自己硬食咗”。
有网民分享同类被盗取物品的经历：
“早几个月曾咀探我老窦同阿嫲，楼上楼下各摆咗1盒饭同饮品，化完宝想上去同佢哋讲多两句𠮶阵，发现阿嫲盒鸡饭俾人偷咗去后面两排人哋个先人位到，个饭盒有印字所以我唔会认错，真系乜嘢人都有”
“经典得过做紧法事途中，有人经过身边，转过身成条烧肉俾人拎走咗。其实𠮶坛法事系会请到‘各方好兄弟’，真系够沙卜（沙胆）”
“我嘅经历系隔篱个师傅拎咗嚟用，因为送货还送货，做法事还做法事，师傅见啲嘢唔齐就拎隔篱𠮶个（即系我哋）嚟用，佢仲扮嘢无拎。点解我知？因为佢同事之后拎嚟畀佢，而家美丽新香港，做白事都有惊喜”
盗窃罪最高可判监10年
根据香港法例第210章《盗窃罪条例》，如任何人不诚实地挪用属于另一人的财产，意图永久地剥夺该另一人的财产，即属犯盗窃罪，循公诉程序定罪后，最高可判处监禁10年。