鹤咀搭车遇排错队游客插队 行山者指责反被骂：我们有排队啊！
排队玩“无限解压缩”即是插队！有行山人士于网上发文大呻，在鹤咀行山后排队乘小巴回筲箕湾，有排巴士队的游客见到小巴先到，就插队冲上小巴，他不满责骂，插队者反说有朋友帮忙排小巴队就不算插队，还揶揄“香港人哪来的优越感”，令他大感气愤。
网民无奈道，“真系惨，放假想去郊外轻松下都要受气”，又批评“同无赖讲规矩系好难，最钟意扮无知”、“成日以为自己企喺个站头就当自己排咗队，仲要1个排，跟住无限咁多人插队”。
该行山人士于Threads发文讲述事件，指出在鹤咀行山后一行3人排队乘小巴回筲箕湾，乘车处分了小巴及巴士两条队，“隔篱仲要栋晒牌写晒字，盲嘅都识睇”，前面有20人分开了两边排队，怎料当有小巴到达时，排巴士队的游客就立刻插队冲上小巴。
鹤咀搭车遇游客插队 行山者指责反被骂
楼主不满道，“我即刻X佢哋叫佢哋排队”，怎料插队者居然说“我们这边有朋友在排啊，我们也算是有排队”、“我们不知道这是排哪里的”。
我们这边有朋友在排啊，我们也算是有排队
楼主：打尖仲要话返我态度不好
楼主于帖文怒斥：“队头明明一边栋咗个巴士牌，一边系小巴牌，咁都叫唔清楚？最onX系打尖仲要话返我态度不好，我真系得啖笑。上到小巴佢哋仲要继续嘈，话自己有跟规则，真系无X嘢呀？”
楼主引述他与插队游客理论经过
楼主： 嚟香港就要跟香港规矩㗎啦！
游客： 我们没有排队吗？我们有排队啊！我们排第一个的耶！
楼主： 小巴队就系小巴，巴士队就系巴士！
游客： 我第二次来香港了，以前……（省略一万字）……香港人哪来的优越感
楼主说，他最后直接无视插队者，“佢个friend发现我唔睬佢哋先细声啲继续讲”。
网民：排错队咪等于无排队啰
“次次都系咁，自己做错就怪人哋有优越感，唔识反省自己”
“朋友排紧队，关你乜事，你排过嚟咪叫插队啰”
“排错队咪=无排队啰，成日话唔知扮无知，唔知唔紧要，而家知咪从头排过啰”
“我以前都好钟意行山，但系遇到几次呢啲咁上下嘅人，真系好惊劳气所以唔行啦！费事激动重病”
网民：你唔发恶，佢哋会愈嚟愈放肆
“支持你，记得下次要大声用粗口问候”
“唯一办法就系X爆佢哋，你唔发恶X爆佢哋，佢哋就会愈嚟愈放肆，视规矩如无物！所以我见到佢哋啲X街唔守规矩就会出声”
“多谢楼主出声，唔恶过佢哋就以为自己大晒”
“你要用魔法打败魔法㗎，道理听唔明，你净系可以无赖”
“我都试过，一X拦住佢唔X好畀佢上车”