若狗只并无“甩绳牌”，带狗外出务必要牵绳！有港人夫于网上发文指出，元朗有女狗主带大狗外出时不系狗绳，放任大狗高速奔跑撞人，他多度劝也无改善，只好拍片放上网公审，直言“如果撞跌我怀孕紧嘅老婆，我输唔起”。

网民批评不负责任的狗主，“元朗实在太多呢啲劣质狗主”、“放狗最怕遇到呢啲横冲直撞嘅狗，虽然冇恶意，但我只想好好行路”、“师兄竟然忍到冇当场闹个主人好劲，咁样突然猛冲过来真系唔知咩企图”、“大细狗都应该上绳，正如小朋友出街都要拖实啦下嘛”、“我都有养狗，都好讨厌呢啲不负责任又唔做适当管束嘅狗主，叫又叫唔住只狗，又无做服从训练，简直累街坊，俾佢哋累死我哋呢班负责任嘅狗主人”。

该港人夫于Threads多度发文发片表示，“大狗屙屎就唔使上绳？呢个主人长期放绳唔理自己只狗周围走周围撞人，完全唔控制只狗，当我对你唔住，求下你将自己只狗上绳”。

元朗女放大狗不上绳　放任高速奔跑撞人

人夫指出，该只大狗会于街上高速冲向路人，“狗主人长期喺马路边放绳系极危检嘅事”，他曾多度劝吁女狗主，给予机会，但从无改善过，“佢次次都话唔好意思，但每次都系得个讲字，已经起码讲过5次以上”，无奈道“除咗放你上网都唔知仲可以做啲乜”。

佢次次都话唔好意思，但每次都系得个讲字

人夫：带住怀孕老婆同狗会兜路行

人夫又透露老婆怀孕中，“你只狗就咁冲去我老婆到，仲唔即刻拉返住只狗，到时撞跌我老婆，都唔知报唔报警好”，无奈道“带住老婆同狗就会兜路行，宁愿用多几分钟时间返屋企，唔出现喺现场就无事，因为我真系输唔起”。

对于有网民批评他放小狗也不上绳，人夫指出，“自从元朗发生狗咬死狗后，我哋已经唔敢喺公园放绳畀只狗周围跑，因为知道上绳嘅重要性，上绳先系保护到只狗。片中主人系惯犯，咬死狗事件发生咗都无汲取教训”。

片中主人系惯犯，咬死狗事件发生咗都无汲取教训

女狗主解释因“（狗）要屙屎”不上绳

人夫上载了两段影片，见到穿红色上衣的女狗主未有为大狗上绳，人夫出声提醒，女狗主称“（狗）要屙屎”，人夫指即使大便也要上绳，女狗主用手遮挡镜头说“唔好意思，我而家整”。另1段影片，该只大狗冲向人夫的怀孕老婆及小狗，孕妻急忙喝止，大狗其后跑回女狗主方向，女狗主出声指令一同上天桥离开。

网民：元朗真系好多放养狗

“呢个post（留言区）啲狗主咩事，明知只狗不受控都出街唔拖绳，由得只狗周街见人就冲都话无事好友善，出事就话系狗主问题无教好啲狗，而家有人出嚟指证问题狗主，又要包装到咁放狗法无问题，真系见棺材都唔流眼泪”

“讲真，元朗真系好多放养狗，留言嘅大家唔好话见到只狗咁友善过嚟就系好事，放养好X危险，唔知乱过马路又或者街度食错嘢，其实上绳都系保障返大家包括人同狗，除非有免上绳牌”

“首先呢就唔系个个人都钟意狗，唔钟意咁唔代表会伤害佢……明明放狗就系要带绳，吓亲人咁点算？唔通又话人哋细胆呀？点解你哋放狗嘅权利要建立喺我人权之上呢？”

“阿姐身上面有无绳㗎？你下次唔好彩老远见到佢就兜路啦，呢啲阿姐好烦，就算有起事上嚟，一嚟扯唔住只狗，净系识嗌狗名拍下手咁，二嚟你太太粗身大势，三嚟你只狗狗细只又会吠返转头，你系主人一定觉得狗狗只系保护主人，但狗同狗唔系咁睇㗎，条片睇到都觉牙烟。我拖住只大狗见到细狗都会兜路，费事有咩冲突”

“我都诚恳地请各位饲主做好自己的本分、做好主人嘅责任，唔好因为你哋嘅错误行为而影响到小宠物被人贴上不公平对待，佢咃都只系无辜受累的，你们嘅行为好影响佢哋被歧视，拜托”

其他狗主讲述遭同1只大狗袭击的经历

“系咪叫旺财？我放狗都试过俾佢咁冲埋嚟，我抱起我只狗佢就扑埋我度，我只脚条疤都系因为佢。只狗无辜嘅，又唔想搞到佢，衰嘅系个主人，我自己只狗都未整损过我”

“又系佢，佢惯犯嚟，我只狗同佢只狗唔啱key，离远见到佢都会避开，X佢老X佢只狗见到我哋就即刻跑过嚟想咬同攻击，然后佢又唔够力拉住佢只狗，同埋两只狗就打交𠮶阵仲慢慢行，完全唔care”

人夫回复网民：“我都有养狗，我养细狗，之前我见到佢只狗冲过嚟，已经即刻抱起我只狗，佢只狗成个扑落我只脚，抓我只脚，嗌咗劲耐，佢主人先慢慢行过嚟”

狗主带狗只出街不系狗绳有什么刑罚？

根据香港法例第421章《狂犬病条例》第23条，狗只在公众地方时或在其他地方而按常理可预料狗只会游荡至公众地方时，必须以狗带牵引或以其他方式妥善控制。任何人如违反上述法例，可被判处罚款1万元。

根据香港法例第167D章《危险狗只规例》第9（1）条，任何人不得安排、容受或准许任何大型狗只（体重达20公斤或以上）进入或留在公众地方，除非该狗只是被人用一条长度不超逾2米的狗带稳妥地牵引的；或该狗只是用一条长度不超逾1.5米的狗带以不会对公众及动物的安全以及该狗只的福利构成危险的方式稳妥地缚在固定物体上。任何人违反第（1）款，即属犯罪，一经定罪，可处第4级罚款（2.5万元）及监禁3个月。

狗主可为大型狗只考甩绳牌？考试有什么内容？

根据渔护署网页资料，若狗主相信所饲养的大型狗只训练有素，并希望狗只可以在不受狗带牵引的情况下运动，可参与“大型狗只豁免规管考试”，渔护署会在每年举行数场考试。

考试分为“性情评核”及“控制能力评核”，“控制能力评核”分为“与没有狗带牵引的狗只一起行走”、“遇到陌生人”、“召回狗只”、“遇到用狗带拖着狗只的陌生人”4个部份。

渔护署均会对所有通过豁免考试的大型狗只发出1个徽章及1张证明书。根据香港法例，该狗只在进入或留在公众地方时，其颈圈或胸带必须带上有关徽章；否则，狗主便须遵从第167D章《危险狗只规例》第9（1）条管制该狗只。

（Threads@vkayiuv / 渔护署）