港铁背心男腋下夹扶手柱 女乘客崩溃：以后点敢扶 网民：柱留香
港铁“柱男柱女”新招式？有女生近日乘搭港铁，在车厢目击1名穿黑色背心的男子用腋下夹着扶手柱，她拍下照片于网上公审，引来一众网民大呼“唔卫生，劲自私，超呕心，唔想睇！”、“柱留香”、“楼主今次真系‘夹腋难逃’”、“狐柱，全集中，狐之呼吸”、“简直系狐狸先生+海胆小姐擘大个口”、“留低好大阴影”、“𠮶啲钟意揽实条柱嘅大妈有福了”，有网民就说“现实中有咩事请即时同当事人讲，如果冇用先影佢放上嚟”。
该女生在Threads发文发相，1名穿黑心背心的男子左手环绕扶手柱举高，腋下碰着扶手柱，视觉画面十分震撼，让人隔着屏幕都觉得恶心，有欠卫生。女生崩溃道：“我以后仲点敢揸条柱。”
我以后仲点敢揸条柱。
港铁背心男腋下夹扶手柱 女乘客网民齐崩溃
“我冇做错嘢啊，点解要俾我睇呢啲嘢”
“闻到好臭同feel到湿”
“生得细粒嘅女仔个鼻嘅高度”
“用胳肋底毛嚟抹扶手”
“点解要用加拿大（胳肋底）夹住条柱咁核突”
“佢唔只紧握，仲要夹实，实在太安全了”
“啲腋毛有强大摩擦力同抓力，真系企得好稳阵”
“真系吹呢啲人唔涨，佢哋完全唔觉得尴尬”
“见到呢啲，我第一句就粗口，零尊”
“直接喺碌柱喷消毒喷雾”
“求下Thread唔好再推核突男人畀我，我只系想睇靓仔，唔该”
网民：钟意揽柱嘅大妈有福了
“𠮶啲钟意揽实条柱嘅大妈有福了”
“平时需要揸住条柱嘅人就大镬了”
“一系挨，一系揸，呢个玩法好少见”
“好彩我矮，应该揸唔到条柱咁高嘅位置”
“本身已经企唔稳，依家连唯一把柄都无埋，我唔搭地铁了”
“揸条柱低啲的位置比较安心”
“搭地铁真心要练平衡”
“冇见过，但我一直搭车戴口罩 + 用纸巾隔一隔去揸扶手”
网民分享目击过的恶心行为
“所以我觉得每次掂过扶手，抹手搓手真系好合情合理，见过撩完鼻屎又捉住扶手”
“上次见到有个阿叔猛咁捽脚指，捽完一手揸落上面啲吊环度，之后我无再掂过港铁啲扶手同埋吊环”
“我谂起我揸住条柱，后嚟有个阿姐上车，又系咁倚住，佢加拿大（胳肋底）位掂我啲手指，有汗”
“再核突啲嘅X街都有啦，撩完鼻屎再周围揩，屙完尿屙完屎唔洗手周围摸又有”
“所以情愿早啲出门口都搭巴士好过地铁，起码有得坐，唔使同人逼又冇咁臭”