搭错棚！预约上门维修冷气机被失约 揭师傅去错隔篱屋 事主崩溃
家居维修“摆咗个大乌龙”！有网民在社交平台发文，指安排了搭棚公司维修冷气，但当天苦等全日都未见有师傅上门，致电询问才发现对方“去错隔篱屋”，揭发邻居亦刚好安排维修冷气机，但当时只有外佣长者在家，糊里糊涂便错让师傅搭棚，其母亲因此觉得无奈，“因为有排都未有冷气用”。
有网民觉得事件爆笑，“咁都得！”但就提醒楼主需要注意1件事，“最简单，你个棚佬硬食，佢要帮你搭返”、“紧系要即刻开工做咗你个单位先啦，申请已做好，时间又约好，但系冇人嚟做嘢”、“佢去错地点，当然系要佢做补救啦”，指出搭棚公司和她邻居之间出现任何纠纷，均不属她需处理范围。
预约维修冷气机被失约 揭师傅误入邻居单位“搭错棚”
该女事主较早前在threads帐号发帖，表示早已预约搭棚公司上门维修冷气机，但双方未有约定时间，而她当天在家苦等全日都未见师傅上门，致电询问对方竟然回复“搭完了”，才发现原来师傅“摆乌龙”。楼主无奈称“我哋住B室，佢去咗A室搭棚”，形容“成件事好好笑，我妈好sad，即系有排都未有冷气用”。
我哋住B室，佢去咗A室搭棚
邻居单位事发时仅有外佣长者
楼主续称，邻居之所以会“放人”准许师傅入内，因为他们同样安排了维修冷气机，但透露对方“咩都未约实，都未申请要搭棚”，可是当时只有外佣和长者在家，“知道自己要整冷气，又唔知其他嘢”，糊里糊涂下便造就“搭错棚”事件。
搭棚公司需自行商讨后续解决方案
楼主表示，目前情况需要2家搭棚公司自行商讨后续解决方案，亦要看管理处方面如何处理，“睇要唔要佢哋拆返”，但即使邻居决定拆除棚架并重新安装，亦要重新申请。楼主坦言未知家中冷气机何时才能成功完成维修，笑言“受伤的都系我妈”。
网民傻眼 行内人批乌龙：我哋装修维修好多奇人奇事
事件引来网民爆笑，“真系咁啱得咁桥，飞机撞纸鸢啦”、“我好似睇紧郑中基嘅‘匪夷所思’”、“以后搭棚都要对埋电话号码同埋屋主个名，单位都信唔过”。不过更多留言提醒楼主不应介入邻居和搭棚公司是次的事件：
“唔会等棚佬倾，呢啲系佢同A室嘅问题，唔好自己蹖个头入去上身咁onX，合约精神佢要帮你搭，唔系就退订”
“个问题系你同佢个商业协议佢无实行到，佢系应该要尽快补返俾你，唔好俾佢用隔篱屋做借口误导咗”
“紧系要即刻开工做咗你个单位先啦~ 申请已做好，时间又约好”
佢错话知佢啦，总之你俾一份钱，你宜家未有棚用，你就要叫师傅帮你搭
单位无棚纸涉违规？要负法律责任？ 行内人这样说
有网民关注邻居单位在未有棚纸下已经完成搭棚，是否涉及违规，“即系你隔篱屋未有棚纸，唔惊俾人告？”亦好奇询问“叫隔篱屋揾佢个搭棚佬去你屋企搭棚”。楼主表示，搭棚师傅指“因为一早申请搭棚时系入佢个名，保险都系佢个名，所以一定佢本人返嚟”，至于有熟悉行规的网民解释，“被搭错棚”的住户毋须承担任何责任，“棚纸系棚佬俾管理处，唔关业主事。其实好多棚厂都共用同一份保险，好多私底下都识，同未搭间棚厂交换张单就搞掂。只系欠一份人情债”。
乌龙事件逐个睇！
有留言分享除了“搭错棚”，家居维修和送货亦不时出现类似失误，“屋企试过装冷气，跟住无啦啦有个师傅走咗入嚟装窗帘路轨，我本身以为佢哋识嘅，跟住留意到佢哋冇倾过偈，多口问句冷气师傅先同我讲佢哋唔识嘅以为我叫过嚟，跟住装窗帘𠮶个师傅先知自己入错单位，仲送咗条新嘅窗帘路轨俾我”、“我试过买洗衣机，香港有2个同名嘅大厦，因为我2个大厦都住过都有送货记录，所以我已经特登写埋咩区同街名，结果都系送错，喺佢未上楼前我打左电话去追，因为好似过咗个几两个钟都未见，然后佢话太远准备收工所以就唔返嚟送，要第二日先送到”。