有片｜两拆棚工人未扣安全带无戴帽 索带螺丝高空堕下惹网民齐轰
为人为己，进行高空工作请跟足安全守则！近日网上流传影片，有两名工人于1栋大厦3楼外墙拆棚，但未有跟足劳工处安全守则，安全带疑未有连接绳索扣在系稳物上，亦无戴安全帽，拆棚期间，绑紧竹支的黑色索带，以及疑似狗臂架的螺丝从高空掉落平台。
网民留言批评，“着带唔落绳系为乜”、“安全带呢？不知所谓不负责任，3楼已经可以死人”、“狗臂架唔合格，冇安全带、冇用密竹、安全帽亦都冇，加上打风”、“以为自己好劲，如果死咗，层楼唔使卖，公屋就人人心惊”。
有网民怒斥工人高空堕物，“点解佢哋拆棚可以将啲索带或其他嘢就咁掉落街，飞到周围系，从未见过佢哋清理返，住低层试过多次堆咗无数索带要自己清”、“呢啲咁嘅师傅，安全意识又差，啲螺丝就咁揈落街，真系行业中嘅枯枝”。
该网民9月2日于Threads发文发片表示，“希望系我睇错，虽然3楼唔算好高，但两位师傅小心啲呀，家人等紧你返屋企㗎”。
两拆棚工人疑未扣安全带无戴帽 索带螺丝高空堕下
影片见到，有两名工人于1栋大厦3楼外墙拆棚，两人下身虽穿着安全带，但站在左边的工人拆开了连接系稳物的绳索，后续两人一直未有扣好安全带，亦无戴安全帽。拆棚期间，有竹支上的黑色索带掉落平台，而拆狗臂架的工人就不断将狗臂架敲向石壆，疑似“揈甩”了螺丝并掉落平台。
网民怒斥两拆棚工人无安全意识
“依家系坏爸爸，跌咗落街就变好爸爸”
“无做安全措施=坏爸爸，用埋条命揾食=好爸爸”
“高手在民间，失手在阴间！”
“唔好搞到变凶宅先真！”
“咁多人版畀佢哋都唔识惊”
“3楼跌落去都断脚啦”
“而家1楼平台清洁都用安全带啦”
“咁都唔高？识人喺街整冷气1米高台咋，咁就无咗！”
网民批评建筑行业贪方便风气
“我以前做地盘真系见过，啲老师傅明知俾人周到会罚钱扣分都一样唔做好安全措施”
“大把，唔好话净系揽条带，有时净叫佢带返顶帽都X你，咁易做使鬼戴帽咩，阻头阻势，之后爬梯跣脚撼头缝咗10针”
“之前等车见对面街搭棚，啲工人每个人都有安全带，但啲安全带全部无扣喺棚/绳上面”
“呢啲老XX，成日觉得自己真男人、大师父，唔使咁安全，见太多，基本成个行业都有呢种文化氛围，越老一辈越多呢种”
“两个原因：一系侥幸心理，二系有安全带绑住做嘢唔舒服同唔顺手唔顺脚，行路都kick。开工最忌啲嘢唔顺，一唔顺心情就差，燥底好易做错嘢，咁样翻手又翻手做唔靓又唔使收工，衰过跌落街，烂命1条跌咗无负担。听过啲师傅亲口讲⋯⋯”
“有个朋友廿头，跟老窦同阿叔搭咗几年棚，上一代真系唔做安全措施，到自己个仔入行先叫个个跟足规矩。问佢做晒全套规矩系咪好花时间，佢话师傅半日落楼食3次烟，仲花时间”
“最怕的是他们不单自己咁做，更要新入行的人同他们一样咁做”
网民吁严惩不守安全守则工人
“其实佢哋系咪全部都冇屋企人，裤𠮶条安全绳系咪做样？其实呢啲一捉到应该罚重啲啦，判头+工人一齐罚，净系挂住赶工”
“认真㖞，呢啲真系要推去劳工处揾人。依家揾CCTV同埋入大厦登记纪录要揾呢个人一啲都唔难，挂条绳都唔挂，呢啲害群之马唔可以放过。而家都推行从事吊棚工作都要考牌，呢啲绝对要钉牌啦，如果佢间公司有星级工程连坐法都要钉埋，公司忽略监管责任亦都必须要惩罚”
劳工处就竹棚架工作有什么安全守则？
根据劳工处《竹棚架工作安全守则》，所有在高处拆卸棚架的工人，应配戴安全带；安全带应系于适当而力度足够的系稳物上，并有适当的装配，例如提供伸展来自独立系稳点的独立救生绳，而安全带的悬挂绳则用防堕装置连接至该独立救生绳。切勿将竹竿、喉管或窗框作系稳用途。在可行情况下，也应使用安全网，在棚架工人堕下时提供保护。
劳工处指引亦提到，工人须配戴附有下颔索带（俗称“帽带”）的安全帽工作，使用帽带可避免工人从高处堕下时，其安全帽意外地移位或从头部松脱而失去保护头部的作用。
违反戴安全带及安全帽法例有什么刑罚？
根据香港法例第59I章《建筑地盘(安全)规例》，任何人违反第38I条“配戴安全带的责任”，即属犯罪，一经定罪，可处罚款15万元；违反第48条“安全头盔”的规例，无配戴适当安全头盔进入建筑地盘者可处5万元（第5级罚款），承建商可处10万元（第6级罚款）。
高空堕物有什么刑罚？
根据香港法例第228章《简易程序治罪条例》第4B(2)条，如在任何建筑物或其部分进行兴建、修葺或粉饰工程的过程中，有人自该建筑物掉下任何东西，或容许任何东西自该建筑物坠下，以致对公众地方之内或附近的人造成危险或损伤者，则该地盘的主要承建商以及进行有关兴建、修葺或粉饰工程的承建商，即属犯罪，可处5万元（第5级罚款）及监禁1年。
（Threads@bibubibubibu0230 / 劳工处 / 电子版香港法例）