港铁大叔车门前扎马耍功夫 目击者笑：食过夜粥 网民忧易撞到人
乘搭港铁切勿做出影响其他乘客的行为及阻挡车门。近日1段网上影片翻红，有大叔乘搭港铁东铁线期间站在车门前扎马耍功夫，瞩目行为引来后方乘客偷拍放上网。
有网民揶揄，“香港人压力真系爆煲”、“冇返咁上下，点学人搭东铁呀，随时MMA”、“而家搭地铁真系多姿多采，又有嘈交打交，又有功夫杂耍，好过入马戏团睇”、“佢都系想娱乐大众”。
不少网民讨论是否适合在港铁车厢内耍功夫，有人认为没问题，“好多人返工要坐个几钟头车，与其onXX玩电话做无营养嘅嘢，倒不如做下运动，只要又唔影响到人又有咩问题呢？”、“佢都系争取时间养生啫！”。也有网民认为影响到他人，“在地铁通道上/车门附近打功夫，会阻住/撞到其他人，通常啲老人家一撞到又打交。如果想做运动，最好返屋企或去公园，不要在地铁上做”。
目击事件的乘客于facebook群组“车cam L（香港群组）”发文发片笑说，“东铁线‘阿叔食过夜粥’”，并配上周星驰经典电影《少林足球》中的爆笑插曲《少林功夫好嘢》歌词，“少林功夫醒（好好嘢），少林功夫劲（系好劲）”。
港铁大叔车门前扎马耍功夫
影片见到，港铁车厢内有大叔站在车门前扎马耍功夫，不断左右手来回出拳收拳，耍了一套拳后疑意犹未尽，站直身体后又再扎马重复动作，随后做伸展拉筋动作。其间，站在车门边的男乘客留意过一两眼后，就继续专注看手机，未有再理会大叔。
网民笑：埋站擢𠮶下才可见真章
“耍极度门都唔开，似乎功力争紧啲”
“等埋站停车前擢（音：chok）𠮶吓，才可以见真章嘅”
“练紧神功，千祈唔好骚扰佢，等阵人哋走火入魔就大柠乐”
“隔篱位大师兄先至系食过夜粥呀，一眼都唔望下佢，呢啲先有料啊”
“几好，多啲呢啲片睇几过瘾，笑下几得意，好过成日睇嘈交、睇MMA，睇到咁愤怒，影响情绪”
网民：可能争取搭车时间做运动
“其实可能系想做运动，但又想瞓多啲，所以争取喺车途时间做啫，佢只系唔理世俗眼光”
“其实，无乜人，又唔太影响到交通情况，由得佢，最惊系佢练练下揾人嚟练啫，佢自己对住空气练乜都无乜所谓”
网民：车厢打功夫易引起碰撞嗌交
“做晨操就去公园啦”
“走火入魔，不适当地方做不适当运动！香港人真系工作压力大”
“唔系任何地方都系你表演场地，咁做系骚扰到其他人，系自私行为”
“不分场合、不分地点，做一些不适当的事情，实在混帐到极！地铁车厢人来人往，妨碍其他乘客出入！”
“呢个大叔咁大动作打功夫，途人惊俾佢撞到，都唔敢行附近，阻住上落车的！香港咁多人，地铁得咁少位，企到密质质，多一两个阿伯喺度打功夫，就容易引起碰撞、嗌交，又MMA了”
港铁范围滋扰乘客可罚款5,000元
根据《港铁附例》第25条“乘客不得造成滋扰”，任何人不得在列车上或在铁路处所任何部份作出对其他乘客造成滋扰或烦扰行为，违者最高罚款5,000元。