中环七人车司机违泊 交通督导员警告3次不走 被抄牌竟发恶闹人
违例泊车还想“生人霸死地”不愿走？终被交通督导员抄牌！有男子于网上发文表示，中环域多利皇后街有七人车司机违泊，交通督导员警告3次也不驶走，只好执行职务抄牌，怎料司机发恶爆粗大骂督导员，于是他举机拍下影片。
网民纷纷斥责司机的离谱行为，“如果叫都唔走最后被抄，就真系自己申请”、“面就人哋俾嘅，架就自己丢，抵抄”、“你唔违泊冇人会抄你牌，几百蚊都死老窦咁，畀唔起就唔好揸车”、“就几旧水啫，就咁反应？人哋已经叫咗你走啦，又唔系即抄你！真系几旧水可以买起个人格”、“人哋嘅工作就系抄牌，X嚟都冇用㗎啦”。
有网民猜测司机是驾驶“老细车”，并非车主，直言“呢啲咪又系揸老板车打份工，畀咗机会你唔兜圈，咪用最直接嘅方法唔使你走啰，游戏规则不嬲都系咁玩”、“如果请到个咁‘好’脾气司机，车主真系自求多福”。
目击事件的男子于facebook群组“车cam L（香港群组）”发文发片表示，事发于中环域多利皇后街，“（交通督导员）前后叫咗你（涉事司机）3次都唔走，最后咖啡仔（交通督导员）唔畀佢走！”。
中环七人车司机违泊被警告3次不走
楼主指出，当时交通督导员先向在场司机作出警告“赶车走”，“佢赶完头车、二车（涉事司机）（第一次）、我三车，我话阿Sir我落完货即走，跟住见佢（涉事司机）未走又行前叫多次，然后再去赶四车，赶完四车行返转头佢都唔走，再叫第三次”，最后才抄牌。
被交通督导员抄牌 司机竟爆粗狂骂
楼主强调，“中上环落货有人喺车好少会赶，（交通督导员）会叫你快手啲落完即走！”。楼主又说，“我喺佢（涉事司机）后面睇晒，见佢X得咁激先录！”。
影片见到，穿灰绿色外套的司机被抄牌后，激动指骂交通督导员，怒斥“癫X，带埋老母返工，我X你老X”，见督导员未有回应，司机再说“X你老X，你听唔听到呀？”，督导员冷静回应“听到呀”就离开，司机发泄完毕后走回前方的七人车上车。
网民：叫3次都唔走即系自己申请抄牌
“你又玩寸咗个party嘞！成条街真系多谢你”
“你唔违泊就唔会畀人抄，你选择咗违泊就预咗畀人抄”
“叫3次都唔走即系自己申请抄牌啦，X完人老X记得交罚款”
“叫咗3次都唔走，咁你都系想抄牌啫，咁劳气做乜？人哋冇带老母返工！系你想带人老母返工啫（司机佬）”
“叫几次唔走，又喺到扮大哥。到人哋抄，𠮶几旧水，又喺到X妈XX。人喺车，其实系叫开车先，跟住佢（交通督导员）会一路行去街头/街尾扫1次先，咁起码有1次，条友唔走，就系当人XX”
“讲真，畀唔起钱真系唔好学人揸车，有晒车牌同样，可以告个司机：1.阻碍公务人员执行职务 2.破坏社会安宁 3.公众地方行为不检”
“以佢停嘅域多利皇后街推断，如果呢架车系等老细，个老细又差唔多出嚟，而佢呢个位兜个圈起码10至15分钟，估计个司机系赖皮想等埋个老细上车”
违例泊车定额罚款400元 阻碍公职人员执行公务可罚款及监禁
目前在香港俗称“牛肉干”的违例泊车定额罚款，已增加至400元。而根据《简易程序治罪条例》第23条“抗拒或阻碍公职人员或其他依法执行公务的人”，任何人抗拒或阻碍依法执行公务，或获合法授权或合法受雇执行公务的公职人员或其他人执行任何公务，或抗拒或阻碍他人合法地协助上述公职人员或其他人执行任何公务，均可处第1级罚款（2,000元）及监禁6个月。
公众地方行为不检可罚款5,000元、监禁1年
另根据《公安条例》第17B(2)条“公众地方内扰乱秩序行为”，任何人在公众地方作出喧哗或扰乱秩序行为，或使用恐吓性、辱骂性或侮辱性言词，或派发或展示任何载有此等言词的文稿，意图激使他人破坏社会安宁，或其上述行为相当可能会导致社会安宁破坏，即属犯罪，一经定罪，可处第2级罚款（5,000元）及监禁12个月。