《寻秦记》电影版早前落实今年12月31日压轴上映，电影男主角古天乐今日（22日）携同林峰、宣萱、郭羡妮、滕丽名一众剧集原班人马，以及苗侨伟、徐浩昌（肥肠）及伍咏诗等新角色演员，一同出席宣传启动礼，正式打响《寻秦记》电影一系列宣传活动头炮，吸引近五百位粉丝到现场守候见证。剧集《寻秦记》播出至今长达25年，当年男女主角罕有聚首一堂，古天乐与林峰皆成熟不少散发男人味，宣萱与滕丽名一样冻龄不老，久未露面的郭羡妮亦与多年前一样美貌惊为天人！

宣萱、郭羡妮与滕丽名三大女主角罕有重聚，久未露面的郭羡妮受访时兴奋表示：“我哋忍唔住相拥呀！”在台上三人亦忍不住再次相拥转圈圈，场面非常温馨！宣萱则表示重聚非常难得，希望往后有更多机会：“今日第一日宣传见返大家，啱啱先讲仲有冇机会坐埋一齐？合作真系好随缘。”至于电影上映后的谢票安排，宣萱踢爆好友古天乐已落柯打：“古仔叫咗我一月唔好放假！但我想去滑雪㖞，佢话你望都望三月啦！最紧要做嘢先嘅！”

剧集版《寻秦记》于2001年播出，郭羡妮回忆当年时表示：“25年前《寻秦记》系我拍嘅第一部剧，当时觉得‘姐姐呀我好惊呀！’同大家都唔熟；但依家就有识咗好耐嘅感觉。”宣萱则笑言：“好似识到依家仲好倾啲！”已经一段年日未有推出新作的郭羡妮，则表示戏瘾不大：“我唔知呀！如果将来有机会，我想拍啲有女人戏演、发挥多啲！”亦自爆女儿对自己演出兴趣甚低：“佢对我嘅作品冇兴趣㖞，唔知点解！可能系英文人啦！佢唔钟意睇我，钟意现实嘅我，钟意现实嘅妈妈多啲！”

谈到三位经过25年后的变化，宣萱大赞滕丽名保养得最好：“我觉得最冇变化嘅系呢个（望向滕丽名），佢系超级防腐剂！”滕丽名则透露冻龄不老的原因：“因为我仲喺TVB！”宣萱随即大笑、惊讶地表示：“冇理由嘅！咁辛苦㖞！”滕丽名则坦言：“咁时间比较规律呀嘛，早睡早起！”电影版《寻秦记》尚未上映已引起广泛关注，对于再添食拍摄第三部的可能性，滕丽名竟透露：“古老板话如果好收得嘅话会再拍。系六年前拍𠮶时讲嘅！”宣萱则不小心剧透结局，表示：“喺戏里面冇死到㖞！可以拍第三套……唔可以讲太多嘅！”