《寻秦记》电影版自上画以来，票房节节上升，3日左右票房已达3000万，走势凌厉，大家对戏中角色及剧情，都想了解更多。早前，戏中的宣萱及朱鉴然，便接受《香港01》访问，二人在戏中是一对母子乌廷芳及项宝儿，而在拍摄时，最令朱鉴然感受到宣萱妈妈的爱，就是有一场戏，古天乐亲自监督令他非常紧张频频NG，于是宣萱就发挥慈母本色，赶古生走，为爱儿争取一个喘息空间。问到朱鉴然当时可感受到母爱？“有呀！有呀！有呀！”连番承认。

朱鉴然难忘与一众前辈演戏︰“眼前咁多由细睇到大嘅明星出现”

电视剧《寻秦记》于2001年播出，当时朱仔朱鉴然刚从外国回港，只有12岁，正忙于追回香港读书的功课又要兼顾游泳队训练，所以当时未有欣赏，加上自己角色算是全新，可有揣摩怎去演？“电影在2019年拍摄，当时新入行冇耐，所以拍摄时会紧张及压力大，有一刻谂过自己系演项羽，即系一位历史人物，要点样演呢？但谂深一层，项羽父亲并唔系项少龙，即是角色都系虚构，所以觉得只要故事发生甚么事，自己怎去应对就可以。”

虽然儿时冇看《寻秦记》，但就有看过宣萱妈妈套《美味天王》，所以对一众香港演员都有认识，而当见到每个人活生生在自己面前出现，感觉是非常难忘︰“眼前有咁多由细睇到大嘅明星出现，然后仲要跟佢哋演戏，难以置信的感觉好强。”

宣萱当初想知边个演项羽︰“个仔似唔似我哋先？”

对于宣萱而言，项羽这角色意义重大，因为即是自己的儿子，而最令宣萱关心是由谁去演，似唔似？“个仔似唔似我哋先？到知道系佢后都放心，因为视觉上都合理，起码观众唔会觉得唔舒服。”朱鉴然即向记者追问︰“有冇唔舒服？”

而为了营造一家人的关系，电影拍摄时，拍下不少家中相处的细节，可惜因为片长同节奏关系，最后都无奈要剪走。宣萱︰“系有啲可惜。有埋就可以睇到我哋屋企之间的相处，老公（项少龙）仲有煮心形牛扒畀我哋食，睇埋会开心啲，观众都可能想睇多少少。”朱鉴然就希望日后可以在其他渠道重温。

宣萱帮朱鉴然赶走古天乐︰“你唔好企喺度啦！你行开啦！”

戏中是自己妈妈，不过对朱鉴然而言，最有感觉一刻反而是戏外。朱鉴然︰“有场戏，我有一句对白，讲嚟讲去都讲得唔好，当时老板都喺度睇住。”结果愈睇就演得愈紧张，一直未达要求。于是身旁的宣萱慈母上身为宝儿挡驾︰“佢挠起双手望到实㖞，然后我叫佢拧转头︰‘哎呀，你唔好企喺度啦！你行开啦，畀到压力人呀。’佢唔使闹人，企喺度已经好惊。”就是这样，宣萱成功赶走古生。

但原来故事未完，朱仔分享指，原来古生都系唔放心，选择站在遮光板后面偷看，“佢以为我睇唔到，但其实睇到佢对脚。最后NG了6、7次终于完成，不过最后好似剪走咗。”到底这句令朱仔动魄惊心的对白是怎样？朱鉴然︰“大约系话︰‘娘亲，我哋都系听从阿嗲指示，因为大王有何差池，我们性命不保呀。’当时自己未掌握到古装对白的腔调。”幸好最后都叫顺利完成，问到当时可感受到一份母爱？“有呀！有呀！有呀！”朱仔连番承认。