政府前日（27日）公布，宏福苑7座受灾大厦居民，可在下月20日起分阶段上楼收拾物品，最多可在单位逗留三小时，上落仅限一次。今日（30日）是独立委员会听证会第五日，有到场旁听的居民不满意安排，称三小时、一次机会远不足够收拾居民的心血。他又认为，安排未有考虑到长者及高层住户如何搬运，“好唔人性化，呢个政府真系唔知用咩嚟谂嘢”。

到听证会旁听的宏仁阁3楼居民何先生表示，“三个钟真系唔够，真系”，不少居民都有不少心血、具纪念价值的物品在单位，“唔止一袋两袋”，认为最少要有多一次上楼机会。他特别提到高层住户难以将物品搬到地面，认为政府应作安排。

就算揾搬运公司，行得几多转？如果行一转，咁都系冇意思啦，你都系人咋嘛。 你就算大只佬，一个人搬两抽，大只嘅搬四抽，都系咁多。

他指政府安排不够人性化，“呢个政府真系唔知用咩嚟谂嘢”、“净系话‘你自己决定啦’、‘你自己断舍离啦’，讲咪容易啰，咩‘断舍离”，呢句嘢唔容易讲、唔容易断，真系好难做到。”

政府经常强调“情、理、法”兼备　居民反问：点样“情”行先啫？

他又指，居民苦等三个月，未料政府会给出如此“不人道”方案，“样样嘢都好似推俾居民咁”。他指政府经常强调“情、理、法”：“‘情’行先嘛，点样‘情’行先啫？ 佢绝对冇‘情’行先啦。佢俾我哋上，好似皇恩大赦咁。”

我觉得起码要俾两次我哋上，同埋要帮𠮶啲高层去搬运。呢个真系要谂谂呀，唔能够卸膊。咁多人，揾几个人睇住你，睇下你有冇去到第二度，Security（保安）呢样嘢系要睇住，但你都要揾人帮手搬嘢啰。 个个都几十岁，个个都六七十岁、八十岁，上去都困难，唔好话攞嘢。

何先生又提到，暂时未知道单位受损情况，但打算称亲身回单位，除了较值钱的物品、文件、证件，亦希望带走有纪念价值的物品，例如女儿的证书、奖杯等。他又表示，如果可以的话希望带亲戚一齐回单位，希望能尽量多拿走有用物品。