大埔宏福苑周三（26日）五级冲天大火，造成多人伤亡。全港哀悼，今日（28日）起一连三日所有政府建筑物及设施将下半旗致哀，18区设公众吊唁。其中北角社区会堂陆续有热心巿民前来鞠躬及留言，有热民感同身受，怒斥政府监管不足，承建商不负责任。

巿民黄生是大律师，正参加义务工作，希望在法律层面上协助居民。他说：“要追究责任，一定有人为因素存在。我希望帮到手，一日无正义得到，沉冤未得到得雪，啲人都唔安心。”

他批评政府办事不力：“系做紧嘢，但迟咗，通常都系死咗人先做，无咩意思。系监管不力，巡查唔够力。唔系第一次大火，今次最严重啫，问题就系次次都系咁。”他形容心情“好沉重、好唔应该”。

另一位前来吊唁的吴先生促请政府严肃跟进处理：“要好强烈去监管大维修，真系要严重订罚则同惩罚呢啲不负责任嘅承建商，用唔合格嘅物料。特别系有咁多人住嘅地方，唔系空置地盘呀！睇见个做法好震惊，点解可以咁样8幢楼一齐做，围封晒，用唔系烧唔着嘅物料，一有事就咁大件事啰！”

吴先生认为，除了物质上的须要，也要关注灾民的情绪，寄语香港人、大埔人“顶住”。

巿民黎小姐亦盼死者得以沉冤得雪，她指出不能理解8幢楼同时围封的做法。“做工程嘅，将心比心，唔好话发生意外啦，夏天被围住，都冇可能发生，有良心嘅人听到都感到愤怒。”