2026年4月10日至19日，在香港艺术中心寿臣剧院，有一部好过瘾又好有意思的香港原创舞台剧：《三一万能合》。
文：何故｜原题：《三一万能合》：在欢笑中，探讨及解决都市人的身心问题！──专访《三一万能合》主演凌文龙、岑珈其、麦沛东及何洛瑶

《三一万能合》由梁泽宇编剧，朱栢谦及张志敏导演，凌文龙担任创作策划兼主演，其他主演包括：麦沛东、岑珈其、何洛瑶（Sica）及张志敏。

早前约了四位演员聚旧，闲聊了一会儿，竟然看见他们的不同“伤痛”和“疮疤”，却见证他们迈向“更好人生”。

《三一万能合》以“外表升级人体实验”为主题，只要实验成功，就可以成为一个更正常、更完美、更值得被爱的人。

情路上兜兜转转的徐梓同（凌文龙 饰）、“身”痒难挠的何志祥（岑珈其 饰）、其貌极为不扬的李逸山（麦沛东 饰）、三个身心灵都有缺憾的边缘男人，可以透过新科研“融合技术”将三个人合而为一，抽取精华、去除杂质，合成更完美的“我”，但在“融合”后仍然是“我”吗？他们只有三天作出融合决定……

三位男主角，每个人都有缺失，各自拥有不同的“男人问题”。对比“徐梓同”和“李逸山”是身体上的问题，已身为人父的岑珈其在介绍“何志祥”时，率先发挥“冷面笑匠”本色，突然搞笑，然后认真。

“‘何志祥’啊，听个名你都知啦！我嘅缺憾系有啲‘长处’嘅…（全场大笑）其实，个‘长处’就系我‘何志祥’啊！（凌文龙、麦沛东和Sica都“哗！”了一声）喺在角色上面，我个缺憾，会怪罪于父母，反而喺我个角色探讨，会多啲关于原生家庭问题，又或者父母（对子女）系唔系最大嘅影响？所以，我觉得我今次嘅挑战都好得意，要揾多啲关于原生家庭嘅问题，而又点样可以解决呢？”

Sica是本片唯一女主角，她的角色非常重要，“佢喺职业上，同三位男士做嘅手术，系好有关系啦！（凌文龙补充：加上妳系我前度啦！），（岑珈其再补充：饰演埋小龙嘅前度）我觉得自己嘅课题，都系围绕住‘放低’，所以，我喺呢方面，一路睇剧本，都喺呢个位钻研探讨。”

对于Sica的挑战，“首先，一人分饰两角，我未试过啦！其中一个角色嘅职业系‘护士’，同我个人系有啲反差，我理想中嘅‘护士’系比较细心啦！比较温柔啦！可能要学一学点做‘护士’，可能要生病多啲先，望吓啲护士点做嘢，先知道点样演一个‘护士’（凌文龙搞笑：突登“入厂”系嘛？），（Sica认真地回应）系啊！”至于Sica有否将自己的经历融入角色？“都有嘅！始终都有做过人哋嘅‘前度’。”

Sica突然语出惊人，全场“哗！”了一大声。凌文龙赞叹：“呢句先劲啊！”，麦沛东被杀个措手不及：“真嘢！咁快讲出嚟？”，岑珈其更是连声叫好：“劲啊！”我也忍不住为Sica鼓掌。

“我谂我哋每一个角色，导演、监制点解要揾我哋去做呢？系有原因嘅…”麦沛东突然有感而发：“就系要我哋去面对返角色嘅𠮶个伤痛！呢个系要克服㗎！（凌文龙认同：系嘅！系嘅！）坦白讲，我仲未克服到！（岑珈其回应：明白！明白！）但系要赤裸裸地呈现啦！所以，我哋三个都有好独特嘅造型…我觉得最大嘅挑战，就系忍笑。因为个剧本写得非常好，亦都好好笑！𠮶种笑，系痛嘅！咁样先至系最好笑！”麦沛东认为《三一万能合》除了好笑，更重要是讨论有关“自我价值”，这正是剧本最吸引他的地方。

凌文龙作为创作策划，高度评价编剧梁泽宇（Alfie）：“我钟意Alfie写嘅嘢，原因系佢写嘅廿dark comedy系好有趣，佢用咗一啲荒诞嘅situation，然之后去讲一啲人嘅社会上生存嘅状态，好笑得嚟，但系都会令你深思，所以（排练）过程系好开心嘅！”至于“徐梓同”这个角色，凌文龙剖析：“编剧系刮紧我哋嘅疮疤出嚟，佢讲得啱嘅，‘我哋要坦诚地同观众去分享我哋嘅疮疤’，作为一个…唔好话人啦！甚至作为一个演员，系要完完全全，喺你哋面前，去呈现呢样嘢，俾你哋去睇我哋嘅灵魂啊！（麦沛东补充：观众系钟意睇呢啲㗎！）冇错！（麦沛东再补充：非常钟意！非常钟意！）所以我哋要吸一啖气，将我哋最真诚嘅嘢，同大家分享啦！”

岑珈其提出另一个关键词：“希望”：“故事里面嘅‘融合技术’，创造咗一个新嘅topic，去除所有衰嘢，只保留好嘢，好似可以解决我哋嘅问题？好似系一个‘希望’。我哋你会点选择呢？喺呢个时势，我哋都需要‘希望’，你又会点去改变呢？呢个系剧本最吸引我嘅方法？”

如果真的有“融合技术”，三人可以合成一个新个体，拥有“更好人生”，假设他们选择进行手术，希望跟哪两个人合体？

岑珈其率先回应：“坦白讲，我就一定唔会揾小龙同麦东！（笑）如果我要揾，应该都系揾古天乐，我觉得佢合格，可以同我‘融合’啦！如果再要揾嘅话，刘俊谦都可以。如果唔系刘俊谦，就Jeffrey（魏浚笙），原因最简单，就系佢哋嘅外表。”岑珈其的目标果然非常清晰。

凌文龙的更选择更大胆：“Leonardo（里安纳度狄卡比奥）啦！”岑珈其立即笑骂他：“咁贪啊？”我也回应了一句：“你都拣古天乐啦！”凌文龙继续：“同埋…Tom Hanks啦！”这样，就变成了演技派的“汤狄龙”？然而，原因竟然是“两个都咁有钱”，这样的选择也不错！

麦沛东说他不需要外在，反而追求内在，“我仍有一些dark side，所以要混入一些光明，大爱一啲嘅，就好似…导演朱栢谦啦！（“哗！”“哗！”“哗！”），另一个，我想揾个勤力啲嘅，我平时都好懒散嘅…（我随口说出：“刘德华？”），都好啊！我唔驶贪图佢嘅外貌，只需要佢嘅勤力啫，钱呢？都好嘅。（凌文龙出招：咁你不如揾新界嘅一只牛？）牛嘅技术唔得㗎！”如果可以融合动物都很搞笑，Alfie可以考虑写一个续集！

岑珈其突然补充一句：“我揾古天乐，都系因为佢嘅内在啫！因为孝顺，又肯帮人……”，嗯，明白！

Sica继续“估佢唔倒”！“我想我会揾林家谦啰！”凌文龙、麦沛东和岑珈其同声和应：“才华！”，凌文龙接著说：“其实我哋四个都系揾内在，不过我拣咗钱之嘛！”至于Sica选择的第二人，都是男性，但竟然是“George（P1X3L成员欧镇灏）啰！”，因为“靓仔！”，“其实我都系睇外在，我想试吓拥有林家谦嘅声线，同埋George嘅样貌。”

最后，问他们如何定义“更好人生”？

岑珈其非常认真，“呢个先至系呢个剧真真正正要探讨嘅嘢！”然后简单的说：“其实，呢个系一个‘未知’。冇人100%写包单，呢个技术，可以带俾你‘更好人生’。对我嚟讲，我呢一刻，呢个moment，竟系‘最完美嘅人生’！系啊！因为我有一个完美嘅家庭，亦都做紧我最有兴趣嘅工作，我系好感恩嘅！”

凌文龙的答案是“可以不断尝试，可以继续trying，生命最重要的东西，系自己俾自己空间去尝试！”，岑珈其突然打岔：“我好想补充一句：‘好好活在当下，就系更好嘅人生！’”麦沛东竟然和岑珈其心有灵犀：“我都系想讲珈其头先所讲嘅，活在当下，唔好俾自己后悔！我都唔系100%可以做到，都会有啲唔开心嘅时候，都会觉得后悔：点解我会拣咗呢样嘢？冇做某一样嘢？”Sica也认同“活在当下”，“我觉得冇更加好嘅人生，睇吓你有几满足当下嘅人生？…够好，已经可以。”

这次闲聊，仿佛重新认识小龙、爷爷、麦东和Sica，也从他们身上，仿佛看见你和我的影子！期待他们在《三人万能合》探讨和解决不同都市人的身心问题，一同迎接“更好人生”！