Kiri T正式推出自加盟华纳唱片后首张个人专辑《a kiridiculous distance》，新碟收录十二首歌曲，除了包括《伤心的时候别说话》、《蓝剔未必是坏习惯》及《至少做一件离谱的事》等大热歌曲，新碟更收录了四首从未推出的广东话、英文及国语作品。日前Kiri更现身唱片店举行快闪活动宣传新碟！

Kiri T遇“回避型”歌迷求签名超窝心

问到第一次快闪唱片店的感受及深刻事情，她说：“我觉得最cute 嘅系有好多人都同我讲话可唔可以签名擡头写‘Dear 回避型的’ 之后加佢哋个名，咁我觉得好得意，同埋今日见到好多人嚟，但我feel到佢地唔敢讲嘢，但系佢哋都有出现！我系好多谢佢哋，因为我自己都系𠮶啲好惊去一啲party或者多人嘅场合，我知道佢哋好似我咁都系“回避型”但系佢哋都有出嚟支持我，我觉得系好窝心啦，同埋我见到自己嘅音乐系一个以一个实体形式出现喺我面前，我觉得好感动，同埋今日我见到有其中一位嘅fans，佢都有去我悉尼嘅演唱会支持我，我觉得好神奇因为我哋今次呢一个快闪活动系我同公司好即兴嘅一件事而佢咁啱又系香港可以嚟到，同埋有好多平时都会见到嘅Fans佢哋好多都特登一见到我post快闪活动资料佢哋都即刻过嚟！我觉得佢哋全部都好sweet！”

Kiri T新碟隐藏“离谱”设计

Kiri T的全新大碟 《a kiridiculous distance》 筹备了两年，顾名思义，主题是“距离”。因为Kiri发现，这两年所推出的作品许多都与距离有关——她与重视的人、她与音乐、她与“爱”、她与幸福……她也发现，自己看世界的角度，与别人有一点点不一样，有一点点离谱。《a kiridiculous distance》 这张专辑的名字，是Kiri为过去两年所推出的歌曲所做的一个小小总结。

她亦分享新碟的小心思及亲眼看到实物时感受：“只碟就叫做《a kiridiculous distance》咁就系一只关于距离嘅碟，因为我哋都想营造一个‘距离’嘅感觉，所以你会见到封面嘅字都系好细粒，甚至乎每个字母之间嘅距离都有啲唔一样，而入面亦都有好多一啲比‘I人’嘅句子，例如系‘take micro-breaks often’、‘I survived (a) party’同小贴纸等等，而每当我个人overrun嘅时候就会拎我狗仔pippa嘅相岀嚟睇，CD入面都有佢架！同埋我觉得好开心系以前我哋有啲好quickie嘅idea例如我哋呢度整个图案或者有一啲系我写嘅好secret嘅message，但当时全部都系喺个2D嘅平面度睇即系喺电脑度排，直到真系印咗出嚟，例如我哋有个hidden message系要用一个红色嘅类似玻璃纸先睇到，实物见到我真系觉得好cute！”

她续说：“由筹备呢只碟去到而家我谂应该都有两年，我觉得由planning到而家我系估唔到时间过得咁快，同埋我听返入面嘅歌啊入面所做嘅嘢，我以为全部都系好似近期发生，点知原来已经系两年前啦，时间真系过得好快！好多谢大家见证我呢两年嘅成长！希望大家可以enjoy我呢只碟！”

Kiri T许愿2026年开骚

新碟推出数天便火速售罄，Kiri 亦向趁机向公司许愿加印新碟及开show：“我自己都好想呢只碟加印，因为我自己都唔系好够货，因为我都想储吓，我想喺度呼吁公司，不如我哋加印呢只碟啦哈哈！同埋会唔会开concert呢？我哋研究紧，我觉得2026年应该系有机会嘅！我2026年嘅目标系开show，希望可以开一个以呢一只碟为主题嘅Show，同埋希望可以系香港同埋唔同嘅地方既Show！哈哈！”