曾傲棐（Arvin）日前举行粉丝见面会兼生日会，难得有机会跟fans聚首，Arvin当然有不少心底话想讲，他的真情分享，绝对是这次生日会送给fans的“隐藏彩蛋”！

曾傲棐生日会被fans手写信感动

Arvin第一时间多谢“行动力满满”的fans，“真系好多谢佢哋出钱出力，有啲咩出啲咩。”随后他自爆其实自己“好难搞”，“平时放假要我行出门口都唔肯㗎！”所以见到fans以行动说话，报名、承诺会出席，最后真的现身，十分感动，“Even可能唔系嚟听我唱歌，纯粹听我讲几句废话，大家一齐庆祝我生日，我已经好感恩。”

提到粉丝送的礼物，Arvin即指每份都好深刻。他特别喜欢收信，“信好有温度，每一封手写信我都好珍惜。”至于粉丝的手作仔，就直接令他“自愧不如”，“佢哋嘅心机、时间，完全喺份礼物入面体会到。我反问自己，有几可会对一啲同我有血缘关系嘅人，咁有心机准备礼物？”他指虽然fans是缘份相遇的人，但这份心意令他超级感激，就算并非亲手制作，只要系花过心思想“送咩俾Arvin好？”，他已经十分开心。

曾傲棐今年目标：“学识放手，享受音乐。”

回顾刚过去的一年，Arvin直言过得丰盛。而今年他目标明确，“要完成番2025年未完成嘅show，希望可以出到自己第一只专辑，喺作曲上面再进一步，遇到一只自己嘅小小代表作。”至于今年有甚么想挑战，Arvin答案出人意表！他说今年想挑战“唔做嘢”，“我反而觉得个人越嚟越大，学识‘唔做啲乜嘢’都系一个挑战。”具体行动是于音乐上要“放售”一部份，“今年所有歌曲部份，我好纯粹做返一个唱歌嘅人。唱咩歌、创作、路线、歌词讲咩，交俾大家（团队）去谂。我嘅挑战就系做一个好单纯、唱好每一粒音同每一份歌词嘅歌手，多啲时间享受唱歌嘅过程同音乐。”