卢慧敏在四大乐坛颁奖礼上捧走两金两银女新人奖项，早前推出首张EP 《Unveilings》，并于中环Soho House举行album launch party，梁礼彦导演、许恩怡Natalie、林熙彤Hazel、陈健安、梁钊峰和蓝奕持Lester等捧场。Amy坦言看著台下的亲友和Fans，感觉像与音乐举行了一场婚礼。

卢慧敏连唱多首新作现场反应热烈

音乐会开始，Amy以《白墙》打头阵，从楼下一步一步踏上楼梯，边唱边行到以不同灯饰布置的舞台，之后还演唱《蓝染》、《绿萦》、《黑绳》、《Red Fleg》和《粉月》等新碟内作品，以及2首cover歌曲，观众反应热烈。完骚后，Amy情绪仍然高涨：“心情好复杂，推出第一只EP同埋第一场个人音乐会，呢个情感真系好浓郁，我仲消化紧。喺台上见到好多面孔，由我开始做Model，每日陪我跑10个试镜嘅同事，亦有以前嘅朋友，好开心！”

现场歌迷齐喊“Te amo”

“我家族唔算大，好多亲戚都有嚟，妈咪喺哥斯达黎加嚟唔到，但好多熟朋友，同埋由细睇到我大嘅Auntie都嚟咗，好似婚礼，我搞咗第一个我同音乐嘅婚礼！”音乐会台下大叫“Te amo”，西班牙文“我爱你”，Amy说：“好神奇，我第一次台上讲‘Te amo ’系今年叱咤颁奖礼，佢哋今晚好似回应返我嘅说话。”她坦言在台上回头看到音乐监制Mike Orange时，眼泪几乎失守：“望到佢𠮶1秒好似跑马灯咁，由第一次录《粉月》，呢一年嘅经历爆晒出嚟，然后我迫自己忍住，收返啲情绪先。”

卢慧敏坦言想在更大的舞台表演

Amy表示“唔够喉”，她说：“彩排未感受到个力量，当真正上到台专心唱嘅时候，就好似有人打咗一支好强嘅针，有源源不绝嘅力量，好想不停唱。”问她想在更大舞台开个人演唱会吗？Amy瞪大眼睛，笑说：“请放大我嘅眼神，哈哈！其实我好想，但我亦都好珍惜碎步嘅福气，我觉得经历系一步一步累积，想慢慢收集养份。我唔系几适合一步登天嘅运气，碎步可以体验同埋经历多啲，学到更多，用时间浸出嚟。”

卢慧敏解释EP黑色封面含义

首张EP《Unveilings》收录了一系列以颜色为主题的歌曲，但封面却以黑色和刻意拍得朦胧，Amy解释：“每个人有好多面向，未必系一眼就望到，其实黑色入面可以有好多颜色，人可以有好多面向、心情、情绪、经历。呢张唱片用黑色，亦都真系我最钟意嘅颜色，去包住入面好多唔同嘅Amy。刻意选择唔系好清楚地呈现，正如刚才所讲，未必用肉眼睇嘅就系最清楚，可能唔清楚先至系𠮶样嘢嘅本质，反而好明确地刻划𠮶样嘢嘅轮廓，冇乜质地。今次我哋会玩一啲比较唔系好清楚嘅嘢，多少少流动性，望住只碟都觉得佢好似郁动紧。”

Amy第一张唱片会送给妈咪，说：“我最想送第一张唱片俾妈咪，虽然佢应该唔系好知啲歌讲乜，但我会尽努力翻译俾佢听。”