黎展峰（Andy）推出全新单曲《闹剧重演》，今次一改以往风格，不玩惨情或沉重路线，反而带来一阵轻快又chill的感觉。

黎展峰新歌挑战叹住唱难度高

黎展峰指今次已经是第四次跟Cousin Fung合作，而这首歌是最难录的一首，“因为要控制住自己好放松咁唱，唔可以太实又唔可以太虚，要攞正中间𠮶个位真系好考功夫。”他笑言，以往歌曲“用力唱就啱”，这次反而要学识“叹住唱”，难度极高。

至于新歌意思，黎展峰就谓其实很简单，就是跟朋友相聚那种“嘻嘻哈哈”的感觉，“每次同班friend见面，都会讲番以前啲搞笑嘢、𤓓嘢，好似一出闹剧咁重演。就算生活几攰，见到佢哋就即刻开心番。”他更指这首歌就是想记录这种不用讲道理、只是识玩的珍贵时光。

惊喜脱裤落水展现青春热血

MV方面，黎展峰亲自邀请他的“麻雀脚”黄明德（Dark）、关门、HughCheung及Gi一齐演出，原因很简单，“因为佢哋本身就好玩得，平时打麻雀𠮶种轻松氛围，正正就系MV需要嘅感觉。”不过讲到MV最爆笑一幕，一定是黎展峰踢足球“省”中HughCheung的重要部位，黎展峰解释：“𠮶时玩紧数字球，咁啱有机会掉过去，心谂HughCheung平时咁玩得，所以当刻个脑就好想咁做。点知导演一睇就用咗，仲话呢啲就系朋友间嘅闹剧要有嘅画面，哈哈。”他即时隔空向HughCheung致歉，因为“都feel到佢几痛”。

而MV尾段更有惊喜，黎展峰跟Dark除裤落水，虽然有着肉色打底裤，但黎展峰坦言尴尬，“唔知点解谂起青春，脑海就浮现呢个画面，同班friend玩到癫就会剥清光冲落海。”不过令他最尴尬原来并非裸露，而是身材比不上Dark，“因为佢之前做gym做得好劲，冇佢咁fit，输咗好多，所以好尴尬。”