女神配对计划｜叶蒨文终极二选一　GM钢琴告白对决Eddie神秘宣言

女神配对计划｜由林盛斌（Bob）担任金牌媒人兼主持的无线热播恋爱综艺真人骚《女神配对计划》，将于9月8日起一星期播出六集结局篇《女神配对计划 最后告白》，播映时间为周一至周五（9月8日至12日）晚上十点半、及周日（9月14日）晚上八点翡翠台。为了隆重迎接《最后告白》，制作组由9月4日开始，陆续推出12位求爱勇者／男同学向心仪女神说出、爆喊度极高的“十年后深情告白”，而9月8日压轴登场的，是叶蒨文（Sophie）组的曾展望GM及林堡熙Eddie！

虽然GM与Sophie早已被热捧为“国民CP”，但面对强敌Eddie以各式各样深情招数、眼神及微笑强攻女神芳心，GM自然不敢怠慢，在“十年后深情告白”中收起佻皮转Sell深情温柔、配以钢琴版节目主题曲《女神恋爱脑》，整体感觉极尽浪漫：“Hello Sophie，估唔到我哋咁快就一齐咗咁耐喇，一年、两年、五年、十年，同你一齐嘅时间过得好快，可能开心嘅时间过得特别快”、“可能好多时我哋都冇做啲咩特别嘢，可能都好日常生活，一齐食吓饭呀、打吓机，但呢啲生活好开心”、“我觉得由第一日识你，我就觉得我哋都几有缘份，我咁啱出生日期同林子祥一样，你员工证号码原来同我用咗十几年嘅电话号码头四只字系一样嘅！好多嘢都好似整定咁。”

“我觉得十年后呢，我哋应该仲会咁痴缠，可能每日都黐埋一嚿，因为我知你都系一个黐男人嘅人，可能我哋会有自己嘅家庭，跟住我会带你去探险、我会照顾你，我希望（你人）愈大，你就可以活得愈细、就好似小女孩咁、我会尽能力去照顾你、保护你，都多谢你喺我最唔开心嘅时间出嚟陪住我，我会继续努力守护你。”柔情演绎再加超深情承诺性＋溺爱性极重内容，甜度完全犯晒规地超标！

Eddie最终告白极度耐人寻味：十年后嘅嘢再算啦

至于被视为GM劲敌的Eddie，由于I人性格，告白内容亦相对内敛得多，而且全程表现害羞又认真：“我觉得幸福唔系好夸张嘅嘢、系啲好生活化、好简单，好可以持续落去做嘅嘢”、“我可以同你一齐打网球、可以带你打闪避球、可以带你出海，畀你感受吓我平时喺海入面感受到嘅自由，带你玩《狼人杀》，想 睇吓你做狼嘅样”、“我觉得我哋都系钟意探险嘅人，所以我哋睇嘅嘢会相似”，之后Eddie笑著低头又摇头之余、还沉默了一段时间，最后饶有深意地向镜头时：“十年后嘅嘢再算啦。”相当耐人寻味。

其他浪漫“时间囊”推介

梁敏巧组刘启进Matt直接求婚：无论发生咩事，我都唔会离开你

‧ 我会带你到唔同嘅地方去感受当地嘅文化／睇唔同嘅风景，而你系唔需要担心带漏嘢或荡失路，因为有我喺你身边，你只需要好好享受旅程就足够

‧ 我需要一部容量够大嘅电话，原因系我要将你瞓觉扯鼻鼾嘅片录低，我要帮你影好多唔同嘅靓相

‧ 喺三、四年之后，我有一日会单膝下跪举起戒指、问你可唔可以成为我人生嘅伴侣

‧ 我会用十年时间证明自己服务质素系咪达标

关嘉敏组姜卓文细John：我哋好似缘份未到timing未啱

‧ 我相信我哋两个仲系做紧娱乐圈，应该都几忙……我哋忙都正常，因为我哋都有少少工作狂，但我相信最期待就系返到屋企可以煮饭、陪狗，Two Two应该都几大年纪喇，但我相信佢仲好活泼嘅，我都谂我哋应该养多几只狗嚟陪佢

‧ 我当然会系咁煮好嘢你食，早午晚我搞掂，但就要你洗碗

‧ 不过都系……我哋呢段时间好似缘份未到、timing未啱，但系个keyword系未……可能十年后再睇吓缘份会带我哋去到边啦

李芷晴组林焌尧Jacob：尊重李芷晴不想生小朋友意愿

‧ 我哋一定会去好多旅行，因为我记得你同我讲过，自从你入咗行之后，五年内未放过长假，我真系好想带你去一个好远嘅地方，就系希腊（因李芷晴曾向Jacob展示在深圳拍摄的照片，该处让Jacob觉得很像希腊）……十年内，我一定要带你去一次真正嘅希腊，去体验吓个白色小岛

‧ 尊重芷晴不想生小朋友意愿：“我想留番啲空间畀我哋十年内慢慢发掘其他可能性”