内地女手机跌落山报警惹争议 黄耀英：自拍还自拍唔好咁离谱
撰文： 吴子生
出版：更新：
黄耀英今晚（15/9）现身电视城出席TVB Plus《直播灵接触》宣传造势浩活动。对于日前有内地男女在太平山顶观赏风景时，其手机不慎掉落山下，报警求助后，最终要警员爬到山下帮忙捡回手机。现场有警员不断向该名女子及拍片的同行男子指出，“（我哋）唔会揾条命同你博㗎”、“我哋都打份工㗎咋，其实应该唔同你执”事件引起网上热讨。
黄耀英接受《香港01》访问时表示：“其实我做开《东张》都明会有唔同嘅人会有唔同嘅意见，首先我希望𠮶个人系有摆上小红书赞吓个警员，因为讲真真系危险嘛，相信佢哋都冇绳𠮶啲准备，相信都系挨义气帮佢哋执咗佢，咁我觉得应该系赞嘅。”
黄耀英续说：“至于系咪警员要做呢？我真系唔清楚。系咩部门呢消防？我又真系唔知㖞，但都好正常嘅，如果你跌咗要求救打999，咁你又唔怪得跌电话𠮶个人嘅，有边个跌咗电话唔想执返佢，我跌咗落厕所都叫老婆执我执啦，咁所以大前提最紧要安全。但自拍还自拍，就唔好咁离谱，因为而家嘅人为咗影一张相，佢哋真系会爬出个栏杆外面，跌手机落去，我觉得唔使咁激。”