内地男女手机跌落山求警协助惹争议　梁思浩：佢哋应该服务我哋

早前网上流传影片，有疑似内地年轻女子于太平山顶观赏风景时，其手机不慎掉落山下，报警求助后，3名警员到场，当中1名警员用栏杆辅助从步道爬下去帮忙捡手机。其间在步道上的警员不断向年轻女子及拍片的同行男子说教，指2人不应报警找警员帮忙捡手机，“（我哋）唔会揾条命同你博㗎”、“我哋都打份工㗎咋，其实应该唔同你执㗎”。事件引起网上热议，有网民认为跌手机召警到场协助捡，有浪费警力之嫌。但有网民认为保障市民生命财产警员有责。

梁思浩今晚（15/9）现身电视城出席TVB Plus《直播灵接触》宣传造势活动，就事件接受《香港01》访问时表示：“我觉得两边都有啱嘅地方，可能好多市民会觉得公职人员，我打得电话俾你，你就应该帮我。”

梁思浩续说：“我谂无论警务人员及消防员喺好多人嘅心目中，佢哋系攞紧公帑，佢哋应该服务我哋，好多市民都系咁谂。但我倒反转咁睇，我谂警员或消防员会睇自己喺安全嘅情形下帮到你，你话举手之劳嘅咪帮你。但如果对我生命有危险嘅，咁我就未必帮啰。（如果你手机跌落山你会点处理 ？）如果我系咁嘅话，我就会话自己咁唔好彩要买过部手机，可能会谂整定要买17(iPhone新型号）啦。”