龚嘉欣今日（2/10）现身将军澳出席《2025年下半年度杰出员工嘉许计划 》颁奖典礼，龚嘉欣获颁发“杰出员工”奖项，心情兴奋接受《香港01》访问时表示：“自己冇谂过自己会再攞奖，同埋呢个奖系要靠好多幕后嘅同事，一齐提名同投票，然后又要评委选出嚟，其实对我嚟讲都系好紧张，因为真系要面试。”

龚嘉欣续指面试过程会讲出自己入行17年的感受：“我同佢哋讲拍剧咁多年，大家就好似屋企人咁，因为拍剧会有好多爸爸妈妈，同埋好多同事由我19岁睇到我而家，其实系好难得。”

对于无线惊爆人事变动，两大功臣徐正康和何小慧突然宣布退休惹起网上热议，有网民猜测人事变动将会陆续有来。龚嘉欣表示：“其实我真系冇留意新闻，因为我系比较少睇社交媒体，系你讲我先知。（有否和徐正康合作过？）有合作过，因为之前都有啲剧佢监制过。不过都好正常，因为每间公司有人事变动都好正常。（担唔担心之后有更多嘅人事变动？）咁我又冇呢样嘢，同埋我觉得都唔系我工作范围内，咁所以都系做好自己。”