《东张西望》女主持梁敏巧（Maggie），适逢中秋节与她的钢琴学生到观塘一间老人院送暖，将水果、月饼及其他健康产品送给公公婆婆，尽显善心。

梁敏巧接受《香港01》访问时表示：“当日系钢琴妹妹嘅正日生日，我问佢爹哋妈咪同埋佢自己想唔想去做义工，佢哋全部谂都冇谂过就一口答应，佢父母都好好，主动话想送生果俾公公婆婆。（妹妹会唔会惊？）我不嬲都知妹妹比较怕羞，坐车期间我同佢讲我会同佢一齐去送礼物，同埋教佢要主动祝福公公婆婆身体健康。”

梁敏巧表示开头妹妹去到现场，因害怕而躲在房间，“但我同佢讲平时公公婆婆大部份都系自己一个，屋企人唔会经常探佢哋，佢哋好唔开心，如果系你亲手送礼物俾公公婆婆，佢哋会好开心，之后喺我嘅陪伴下妹妹就鼓起勇气送礼物俾公公婆婆，仲好听我讲主动祝福公公婆婆身体健康。完咗之后佢就系咁问我几时仲可以去做义工添，我觉得好有成功感，可以令到一个5岁妹妹感受到施比受感有福。”