现年44岁的胡定欣单身多年，去年宣布成功脱单，年轻有为的医美医生陈健华（Akin） 拍拖。今日（6日）胡定欣惊喜在IG宣布，已于10月3日下嫁医生男友，并公开了唯美甜蜜婚照！

有指促成胡定欣与陈健华的媒人是洪永城，而本身陈健华跟洪永城分属好友，因而洪永城梁诺妍夫妇与胡定欣及陈健华不时四人约会，但洪永城澄清真正的媒人是“金牌媒人”林盛斌。

林盛斌（阿Bob）今日（6/10）现身将军澳出席无线节目《攻你上大学》录影，接受《香港01》访问时表示：“今朝一早就收到佢写好私人嘅短讯俾我，睇到都好感动嘅。见到佢哋举行婚礼系一件好正嘅事嚟。（你知唔知情佢哋结婚？）佢哋系好低调，突然闪出嚟我先知，见到佢公布𠮶一刻我系好开心。”

被问到4名子女生活开支是否甚大？阿Bob表示：“梗系大啦。虽然小朋友佢哋系读政府学校，唔算使好多钱，但佢哋学课外活动嘅嘢都几多，家姐有佢哋要学嘅嘢，而细佬就要学剑击，又学柔道，又学拉小提琴。但原来剑击唔系普通朋友承受得起，因为器材都真系好贵，同埋教练又贵，连Book场比赛又贵，咁所以佢真系要俾心机啰。计起嚟用喺佢哋嘅开支起过十万。（吃唔吃力？）俾心机，揾多啲钱，同埋使小啲。不过讲真我边有使钱，记得8年前买咗部车俾自己，而家都冇买啲乜。我而家著嘅衫都系99蚊件，条裤系199蚊条𠮶啲嚟，变咗真系冇乜物欲，都系俾晒啲小朋友。”