2025年5月底，TVB视帝袁伟豪与妻子张宝儿为大家带来一则振奋人心的好消息，张宝儿在社交平台上公开宣布已怀上第二胎。这对恩爱夫妻继2019年诞下儿子“袁咕碌”后，再次迎来新生命的喜悦，一家人甜蜜温馨。昨日（6日）终迎来好消息，两人于社交平台透露BB已出世，并公布第二胎都是男仔，为“袁咕碌”添了一个弟弟。

今日（7/11）袁伟豪现身电视城出席《欢乐满东华2025》电单车特技彩排训练，他在接受《香港01》访问时表示：“今次我同太太都比上一次淡定，太太仲话比上次清醒，反而上一次紧张啲，同埋个人嘅意识比较模糊，因为开刀之后医生会落抗生素，𠮶十几分钟个人突然之间会好眼瞓，但今次佢又好清醒，佢系咁同医生谓嘢，而我喺一直喺度直击佢生嘅过程。”

袁伟豪续说：“医生仲笑住问我够唔够胆兜过块布过嚟望吓，我话我唔系好够胆，上一次我都只系望到BB出咗嚟之后𠮶一刻，我系冇正面望过。而我同佢讲如果之后佢哋有啲纪录嘅话就先畀我睇啦，始终我唔舍得望到太太开咗刀𠮶个样。”

问到会否两个就够晒数唔再生？袁伟豪表示：“随缘啦，大家都一直想找个好字，咁所以就睇老天爷安排。（太太有否话封肚唔生？）佢又未使住，佢仲好后生，佢都生得嘅。（心目中有冇想要几多个小朋友？）我妈妈就梗系想有个孙女啦，仲话越多越好，佢梗系咁讲啦，因为唔使佢凑呀嘛，哈哈！”

问到为囝囝改名未？袁伟豪表示：“未定，呢个就要交畀师傅去改，畀佢夹吓啲时辰八字咁，最后睇吓用咩名咁。（今次系择吉时开刀？）今次系择咗时间开刀，之后啲嘢就要交畀高人指点。”