梅启明早前在铜锣湾“水门鸡饭”餐厅工作期间因工伤引发的欠薪官司败诉，并且他未能支付超过4.7万元的讼费。餐厅遂向高等法院申请颁布破产令，法官认为梅启明未能提供合理反对理由，遂颁令破产。

梅启明今日（8/11）现身大埔亚视总台参加演员招募，他接受《香港01》访问时表示：“今次嚟参加系想揾到一官半职咁，做茄喱啡都唔紧要，同埋总之有得玩就得。（生活上有困难？）生活上我系做紧嘢，我而家帮外判公司喺湾仔金紫荆广场附近做园艺，𠮶度啲花草全部由我负责。”

对于早前被法院颁令破产，梅启明表示：“𠮶啲系有排嘅事。（破咗未？）破咗都唔紧要㗎，都破过好多次啦，讲句难听啲都习惯咗。佢要我破都冇计，变咗我觉得香港嘅法律系唔公平。我破产都系因工受伤，前雇主一直都唔肯承担我嘅医疗费，劳工处叫我入纸告佢，如果唔系咁就唔会发生呢样事。对方到而家都冇赔钱畀我，12月会再上庭。”

提到早前对外宣布将与泰籍女友查颂美（May May）举行婚礼，梅启明表示：“𠮶啲事外啦，今日就唔讲呢啲嘢啦，如果系关心我就随缘啦。（分咗手？）唔系，点讲好呢，呢啲听随自然。（搞唔搞婚礼？）婚礼𠮶啲就搞嘅，不过就迟啲啦。（仲系MayMay？）都仲系𠮶个。点解我今次嚟参加，系想透过亚洲电视同埋各大传媒帮揾梅妈，因为佢失踪咗。之前我撞返阿妈嘅看护，佢话我知俾姪仔炒咗，仲话我知阿妈好挂住我，叫我快啲揾阿妈，我想借助传媒嘅力量去揾到阿妈。”