亚洲电视经历多次重组后，今日（8日）为新剧及节目招募演员进行试镜，亚视电视节目部总监李文伟透露有230名参加者进行试镜，当中有刘青云侄仔刘凯浚、已故乐坛天后梅艳芳胞兄梅启明、前亚视一姐薛影仪等参与。

刘青云侄仔刘凯浚接受《香港01》访问时表示：“其实今次我嚟参加就冇点问佢意见，因为我知佢会支持我。今次系我自己报名嘅，因为我觉得有梦想嘅人会试好多嘢，亚视系我一个目标，因为十几年前佢有一个节目叫有《我和僵尸的有个约会》系几好睇，咁所以我好想试吓，睇吓有冇机会入到亚视。”

问到有否投考过无线艺员训练班？刘凯浚表示：“我上次有一次考过无线嘅训练班，但系佢连覆都冇覆过我。（会否令你意志消沉？）都唔会，因为𠮶阵时我仲读紧书，因为冇机会嘅话我都仲可以继续读书，修练自己。（想喺边个范畴发展？）我想喺演戏方面，亦都想尝试唱歌。（日常同青云多唔多见面？）都多，佢系好好，由我细个到而家，佢有份参演嘅电影，佢都会畀飞我哋去睇，点解我想做演员，系因为睇佢嘅戏长大。（青云有冇畀啲锦囊你？）佢只系叫我努力，因为我都知道要靠自己嘅。”