娱乐访谈节目《一周星星》昨晚（12月28日）播出的第四集，嘉宾是还未正式上映已热爆全港的电影《寻秦记》四位主演古天乐、宣萱、林峰及朱鉴然，主持则是区永权。该集宣萱陈年“烈女敢言”片段出土，古仔专注凝望眼神惹关注；回顾古仔“剥衫晒肌”献唱珍贵片段，宣萱睇到眼都凸埋劲爆笑。

宣萱陈年“烈女敢言”片段出土

昨晚一集，除了宣萱及古仔的爆笑互动够抢焦，两位的“出土考古片”亦极有话题性。先说宣萱，原来宣萱1994年曾于公司一个活动上，公开提出艺人与歌星合作拍剧的问题，当中包括迟到！当时宣萱的样子虽然仍相当幼嫩，但说出的言辞却极之有Point，令同场的郑伊健及郭晋安拍烂手掌之余，坐在宣萱附近的古仔亦听到托晒腮兼凝望宣萱。谈到当年“烈女”事件，宣萱搞笑谓：“我都话好多谢公司冇雪我咯，呢个系真心话嚟嘅！”古仔闻言又玩搭嗲：“系人拍剧都会迟嘅。”岂料宣萱认真谓：“我唔迟。”古仔即改玩“擦鞋”：“咁你咪做阿姐咯。”除了“烈女敢言”出土片，制作组还翻出了宣萱同一年在音乐节目《周末任你点》中的超劲跳舞片与众同乐，片中宣萱不但全程投入，而且甚有飞跃感，跳到马尾飞扬、双脚离地，成功掀起高潮。

古仔“剥衫晒肌”睇到宣萱眼都凸埋

制作组另外还预备了古仔1997年在《华星光辉银禧演唱会》中献唱《像我这一种男人》的珍贵片段，片中古仔难得表现剥衫露出结实肌肉，令宣萱睇到“眼都凸埋”，并惊叹谓：“你肯做嘅？”之后又爆料指古仔根本不喜欢表演唱歌：“以前好似推你去死咁 ，叫你唱歌。”岂料古仔竟扯开话题，并自爆有人群恐惧谓：“你（𠮶时）闹啲歌手，我坐喺后面我都想死……喂，咁多人嘅现场”、“你唔好话推我做嘢，唔做嘢我都死，咁多人我唔得架嘛。”

林峰拍电影版《寻秦记》大叹感动

谈到即将上演的新戏《寻秦记》，林峰坦言感动：“好感动架成件事，你首先唔会谂到自己二十几年前拍嘅角色，喺二十几年之后仲有机会重演先啦，仲要系原班人马。我同李斯，即系（陈）国邦，当年嘅（对手）戏系比较多嘅，而我都好多年冇同国邦一齐演过戏，𠮶个感觉系真系返晒嚟。”至于新加入团队的朱鉴然，则指感觉很梦幻：“感觉兴奋呀，以前系睇电视（见到），𠮶刻系突然全部喺同一个空间，我觉得好神奇呢件事。”

古仔为剧中儿子“宝儿”英文名解画

古仔坦言要齐集昔日原班人马绝对有难度，并感激滕丽名的配合：“因为套戏唔系喺香港拍，真系要一段时间嘅，阿滕𠮶时拍紧处境剧架嘛，度期系有啲困难，但佢都好帮手。”古仔续指其实当年《寻秦记》播毕不久已有电影版构思，等了这么多年才正式上映，是因为想参与艺人带出不一样的感觉：“𠮶时谂法系不如等十零年后再聚番埋一齐啦。你问我可以聚得番埋一齐都系缘份同运气，好难得。第二件事，就系睇吓大家成熟咗之后，外型或者性格、表现各方面嘅唔同。”古仔还大爆剧中儿子项羽乳名“宝儿”的由来：“本来想叫佢羽头（灵感来自妹头、虾头等），但核突呀嘛，谂吓谂吓，佢系我宝贝仔不如叫宝儿啦！”、“仲有英文名架，叫David，因为David Bowie吖嘛。”