娱乐访谈节目《一周星星》，逢周日晚10点翡翠台播映。节目每集将瞄准影视圈及歌坛等焦点人物进行访谈，并由区永权、许文轩、王镇泉、潘盈慧轮流主持，本周日晚（28日）播出的第四集，嘉宾是还未正式上映已热爆全港的电影《寻秦记》四位主演古天乐、宣萱、林峰及朱鉴然，主持则是区永权。

今集《一周星星》绝对可以“笑声笑声满载温馨”形容，单是古仔与宣萱的爆笑互动，已值回票价！先说“本尊Fact Check”环节，区永权求证古仔是否如传闻所指“唔畀人趷得”，现场即时变得俨如联欢会般热闹。古仔先是很大反应：“你讲咩呀？（马上指著宣萱）佢𠮶日唔趷过我唔开心。”区永权闻言接招追问宣萱：“传闻呢个世上，得你一个可以对住镜头趷佢（古仔）。”古仔闻言又“抢答”：“我澄清番先，佢唔对住镜头都系趷架喇。”不过宣萱对二人一唱一和却大力抗议，并指区永权都会寸古仔，古仔闻言再搞笑谓：“我好记仇嘅，你死紧喇今次！”

古仔暗示畀宣萱趷到冇晒感觉

此时林峰加入战团，不过却并非为宣萱护航：“我喺度谂紧边一日你系冇趷佢嘅，又好似冇…”、“我未见过有其他人趷佢”。被围攻的宣萱，即强调“开工我冇趷佢嘅”，岂料古仔依然反对：“你咁都够胆讲嘅？！”由于战况太过混乱，区永权尝试作出精辟分析打圆场：“你（指宣萱）会唔会趷佢（指古仔）趷到趷咗都唔觉得趷紧佢呢？”宣萱闻言竟哈哈大笑：“咁我真系唔知。”眼见“沉冤得雪”，古仔加多两钱肉紧谓：“咪系咯！（点解你畀佢趷？）咁我都唔知吖嘛，我都惯咗喇嘛，你估我想架？！”宣萱在节目中，还会大方分享成功“趷古仔”秘诀，万勿错过。

古仔笑宣萱“成日郁手郁脚”

其实宣萱除了把口唔放过古仔，连“双眼”及“双手”亦对古仔“零客气”。事缘其中一Part，宣萱详谈拍摄电影版《寻秦记》时，与当年的当家花旦郭羡妮再度聚首“仲啱倾过以前”时，古仔因一句“即系以前唔啱倾”口多多搭嗲，被宣萱“反白眼”攻击兼被负评“搞屎棍”；之后宣萱提到重遇欧瑞伟（角色陶总管）时感觉很强烈，并指很快便能投入与对方的感情戏时，古仔又再口多多：“即系你同陶总管有感情线，你意思系。”宣萱闻言嬲到狂打古仔，古仔只能无奈回应：“成日郁手郁脚。”之后宣萱应区永权要求向古仔表达谢意，热情的她即作势送上“熊抱”，古仔见状即闸住：“唔好郁手郁脚呀喂”、“唔好摸呀！”最后连环惨食柠檬的宣萱竟出拳狂打古仔，十分搞笑。

妙谈当年“笃到狂笑”NG网红片

古仔和宣萱还大方谈及了剧集《寻秦记》广传至今的网红NG片，谈到其中一条古仔因大力笃宣萱心口、笃到宣萱忍不住爆笑的NG片时，宣萱时隔多年依然觉得搞笑又委屈：“我睇亲都笑，我估我睇三十、甚至一百次都会笑”、“佢冇当我女人咯，总之系…可能对佢嚟讲（力度）四架啫，但对我嚟讲已经系七、八架喇。”古仔闻言只能回应：“笃本身唔大力唔系叫做笃嘅，叫做撩！”随即应区永权要求即场示范向宣萱“撩穴”，宣萱见状即灵活闪避：“唔好撩我！”

古仔爆宣萱爱说话：佢平时一定会同我讲嘢，我病𠮶日我先唔应佢架咋

玩了一大轮，古仔才正式为当年力度过猛解画，期间他除会大爆宣萱“唔记得对白瘀事”，还笑言宣萱一分钟都不能停下嘴巴，古仔：“你叫佢现场唔讲嘢一分钟系冇可能嘅事嚟，呢个系真事。”、“佢平时一定会同我讲嘢架，除咗我病𠮶日我先唔应佢架咋。”面对古仔连环强攻，宣萱一度使出“搞笑扁嘴样”无声抗议，岂料古仔照办煮碗扁嘴“反击”，想亲眼直击两位大细路更多爆笑互动，密切留意今晚播出的一集《一周星星》。