陈百祥（叻哥）早前出席活动时“火力全开”，竟公开寸爆无线（TVB），句句有骨，更扬言凭一己之力领军返内地踢波带挈前无线艺人狂吸金 ，包括吴国敬，菊梓乔，梁烈唯、黄长兴等人：“所有嘅艺员跟我踢过一场，佢哋嘅商演机会系多咗20倍左右，同埋每一个艺人都系咁样。所以我带住晒钟意喺内地表演嘅艺人，除咗踢波，个个都有嘢捞。”他更曾为早前与TVB不欢而散的炎明熹（Gigi） 发声，抛下一句“而家冇人需要靠TVB”震撼全场，直指电视行业已是夕阳事业，惹起网上热讨。

昨晚（3/1）黄长兴与高钧贤现身荃湾出席《仁济慈善盆菜宴》，黄长兴在接受《香港01》访问时表示：“因为本身我有3个小朋友，变咗就会有3倍嘅压力，咁所以乜都做嘅。其实本身我都唔系好识踢波，但自己就玩开手球，阿叻就叫我试脚守龙门，佢见过我几次之后，佢觉得我又几掂，于是就收咗我入队打龙门。”

对于酬金方面，黄长兴表示：“其实又唔系揾好多，可以话系一个参与嘅费用啦，反而我觉得成班人一齐去踢波，去唔同嘅地方交流系好有意义，嚟紧一月中可能会上去。”

作为新手爸爸的高钧贤，就表示每日照顾女儿感到十分满足且有意义：“我个女而家11个月，我每日都冇离开过佢，无论做完嘢，我都一定会返去，我系会抱吓佢，锡吓佢。同埋其实佢系好黐我，自从做咗爸爸之后，好多嘢都改变紧，觉得自己好多方面成熟咗，谂嘢都会好唔同。如果日后有爸爸角色可以演，我都唔介意。”